آچ گوزلرون ای غمدن گول رنگی سولان زهرا #فاطمیه_علومی_تبریزی

زبانحال حضرت علی (ع) در شهادت حضرت زهرا (س)
..
..
#سبک_آتدان_یره_چون_دوشدی
واگیر برای این سبک از #عدلی_تبریزی
غصه دن گوزلریم اشکیله دولار
اولماسا باغبان گلشنی سولار
.
#سبک_یاران_چه_غریبانه
#سبک_آی_گویده_کی_اولدوزلار
..
..
علومی تبریزی
..
..
آچ گوزلرون ای غمدن
گول رنگی سولان زهرا
گوز یاشیم اولور سنسیز
رخساره روان زهرا
..
..
حالوندان عیان اولموش
بیر سرّ نهان واردی
گویا گل طاهاده
آثار خزان واردی
دور گور باشون اوستونده
نه شور و فغان واردی
دردون منِ نالانه
بیر ایله بیان زهرا
..
..
خون دلیوی بی جا
گوز یاشیوه قاتمازدون
گوزدن بو دل افکاری
یا فاطمه آتمازدون
بو وقت عبادتدی
سن بو گونی یاتمازدون
بو یاتماقوون سرّین
دور ایله عیان زهرا
..
..
بُلَّم یتشور هجران
عزم سفر ایلورسن
بو دیده سی گریانی
خونین جگر ایلورسن
آخر گئدوسن زهرا
مندن حذر ایلورسن
نیلوم داخی من سنسیز
ای روح و روان زهرا
..
..
ای خالقه محبوبه
پیغمبره ریحانه
وار حقّیم اگر دونسه
اشگ بصریم قانه
شاد اولمادون عالمده
یاندون غم هجرانه
بار غم محنتدن
ای قدّی کمان زهرا
..
..
پیغمبر ائدوب رحلت
سن باشه قرا سالدون
اشگ تریوی توکدون
آرامیمی چون آلدون
اوچ گونلریله ائوده
بی آب و غذا قالدون
ایلر منی بو غملر
بی تاب و توان زهرا
..
..
.
.
.
#فاطمیه_شهادت #آچ_گوزلرون_ای_غمدن #علومی_تبریزی #ترکی #زبدةالاشعار #فاطمیه