زبانحال حضرت امام حسین (ع) بر بالین حضرت ابوالفضل (ع)
.
✍️ زبدة الاشعار ✍️
.
🆔: @nohe_torki
.
محمد هدایتی تبریزی
.
ای عشق مناسنده
صد پاره اولان قربان
قربانه ویرللر سو
سن یاره لی عطشانسان
.
.
بو قامت بالاده سایسزدی یاران قارداش
باش یاره بدن یاره سالمدی هاران قارداش
جان جان سنی دشمندن اولموب قوتاران قارداش
اوخ نیزه قلج دگمش شانه کیمی شان شان سان
.
.
گوزلور یولووی قزلار ای ساقی عطشانیم
دور یاتما بو قان ایچره ای ماه درخشانیم
یومما گوزووی قاداش دوشدی خطره جانیم
جسمنده یارالارین آغریر یارالی جان حان
.
.
بو پیکر صد چاکی حمل ایلسم اخیامه
اخیامده افغاندان گوندوز دولانار شامه
وحشتدن ئولر قزلار گون تار اولار ایتامه
وار جرأتی کیم گورسون بو پیکروی شان شان
.
.
باشین اوجالا قارداش باش اگمدین اغیاره
چوخدور یاران امّا وار باشنده آغیر یاره
اللر کسلیب جسمین صد پاره دی صد پاره
هر بیر یارادان قانین بیر چشمه کیمی جوشان
.
.
سوز یوخدی دیَر یاره هر فارسه هیجاده
ممکندی کی چوخ یاره دگسین اونا دعواده
باشندا اولان یاره سالدی آتامی یاده
سن السیزیدین ووردی بو زخمی سنه عدوان
.
.
بو دار فنا بیرده گورمز سنه تای قارداش
ای قامتی طوبادن افضل یوزی آی قاداش
یاندیم آزالیب چارم سندی بئلیم آی قارداش
سن راحت اولوب گیتدین سخت اولدی منه دوران
.
.
خوش گونلریمیز بیر بیر اولدی سپری سنله
هر درد و بلا چکدیم سنده واریدین منله
ایندی منی تک قویدون بو عرصه ده دشمنله
سن مست شهادت سن اولدوم من ایوی ویران
.
.
قان پرده چکیب آیدین گورمم یوزووی قارداش
قانلی گوزووه قربان آچ بیر گوزووی قارداش
گل نطقه بیان ایله بیر بیر سوزووی قارداش
دل دردوی فاش ایله قارداش دلیوه قربان
.
.
ای مست می کوثر کوثر سنه نوش اولسون
کوثر گتیریب حیدر ؟ کوثر سنه نوش اولسون
نوش ایله یانیر لبلر کوثر سنه نوش اولسون
سیراب اول حسین قالسین خشکیده لب و عطشان
.
.
سن عشق مقامنده کامل سن ابوالفضلیم
سن پرچم اسلامه حامل سن ابوالفضلیم
ایثار و فتوّتده عامل سن ابوالفضلیم
سن طایر جنّت سن باخما قانا غلطانسان
.
.
وزن اولسا گر ایثارین داغلاردان اولار سنگین
سن جام شهادتدن خوش سان ولی من غمگین
نفرین ایلیرم سنده نفرینمه دی آمین
خوار اولسون الهی بو خونخوار و ستمکاران
.
.
بیر درده دوشوب سن کی یوخدور سنه هئچ چاره
جسمین گل آچیب اوخدان بنذیر گل و گلزاره
بیر آتشی گل دور بو جسمنده کی هر یاره
نیزه یاراسی یورموش یا اینجمیسن اوخدان
.
.
هی سسلیورم قارداش سندن ولی سس یوخدی
چوخدور یارا یورقونسان ؟ گفتاره هوس یوخدی ؟
روحون پر آچیب دور یا جسمنده نفس یوخدی
جنّت سنه نوش اولسون گوزلور یولووی یاران
.
.
اوخ پاره لیوب مشکین قانه علمین باتدی
دور یاتما بیله قاندا گر چه علمین یاتدی
سن قانوه غرق اولدون دشمن هدفه چاتدی
اخیامده آل الله گوز یولدا قالیب گریان
.
.
سن دیده سی خونین سن من دیده سی گریانم
پروازه شتابان سان من زار و پریشانم
اولما نگران گلّم منده سیزه مهمانم
وار حقّی (هدایت) گر بو غمده یانا هر آن
.
.
#سبک_یاران_چه_غریبانه
#سبک_آتدان_یره_چون_دوشدی
.
.
#عباسیه_شهادت
#ای_عشق_مناسنده
#هدایت_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید