زبدةالاشعار

آچ گوزون دور قیزیم ایاقه #کوچ_شام_محمدرضاصادقی

کوچ از شام
.
.
.
#سبک_اصغریم_ای_شیرین_زبانیم
.
.کربلای محمدرضا صادقی ( شیدا )
.
.
آچ گوزون دور قیزیم ایاقه
کاروان یوللانور عراقه
عمه وی قویما انتظاردا
طاقتیم یوخدی بو فراقه
عمه وین خاطرینه آچ گوزلریوی
دور گئداخ اکبره دئنن سوزلریوی
رقیه جان رقیه جان
.
.
دور قیزیم رحم ایله ربابه
گور نئجه یوز قویوب ترابه
حشره تک بسدی هجر اصغر
گَل باری سالما سن عذابه
دنیادا سندن صورا بیر کیمسه سی یوخ
آغلاماقدان قیزیم باتوبدور سسی یوخ
رقیه جان رقیه جان
.
.
دوزموشم دوزدی هر بلایه
طاقتیم یوخ داخی نوایه
دور یاپوش عمه وین الیندن
گل گئداخ دشت کربلایه
آغلا سن صودامر علی اصغریمه
اوخشیوم منده دوغرانان اکبریمه
رقیه جان رقیه جان
.
.
ای حسینون گوزل بالاسی
قورتولان غملی ماجراسی
دور گئداخ تا گوروم باباوین
توختیوب قلبینون یاراسی
من گورنده باشی بلالیدی قیزیم
اوخ دگوب سینه سی یارالیدی قیزیم
رقیه جان رقیه جان
.
.
آچ گوزون بیر اویان رقیه
عمه سیندن دویان رقیه
بو خرابه مکاندا آغلار
اهل بیتی قویان رقیه
عمه وین سن یره قیزیم سالما سوزون
گوزلوری قویما اکبرون یولدا گوزون
رقیه جان رقیه جان
.
.
ای وئرن خسته جان رقیه
آیرلیقدان امان رقیه
« صادقی » بو سوزی یازاندا
قلبیمی ائتدی قان رقیه
باغلیان مصرعی عجب خوشدی قیزیم
جمعیمیزده یرون ولی بوشدی قیزیم
رقیه جان رقیه جان
.
.
.
.
#کوچ_شام
#آچ_گوزون_دور_قیزیم_ایاقه
#محمدرضاصادقی
#ترکی
#زبدةالاشعار

متن پیشنهادی:  گوزلریم غمدن توکر قان یاش آنا یافاطمه #فاطمیه_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی