ماه شعبان
.
.
.
علی شهودی
.
.
.
چون اولدی عیان جیب افقده ن مه شعبان
آچدی در جنات نعیمین حق سبحان
.
شور و شعف آفاقی ائدیب یکسره لبریز
رزاق ازل پهن ایلییب سفره ی احسان
.
پیغمبر رحمت بئله فرمایش ائدیبدیر
بو آیلار ایچینده اوز آییمدیرمه شعبان
.
شعبان آیی نی قویما اولا غفلتیلن فوت
ای بنده کی درد و المون وارد ی فراوان
.
اغیاری رها ایله یاپیش یار اتگینده ن
گل باغلا گیلان حضرت معبودیله پیمان
.
کیم دوزدو چنین لیگ لره دنیاده، خداوند
اوز قدرت الیلن ایلدی مشکلون آسان
.
شعبان آیی باشدان باشا رحمتدی کرمدی
هیهات بوآیدان کی الی بوش چیخا انسان
.
گلزار ولایتده عجب گوللر آچیبدی
بلبلر اولوب گوللرین اوستونده غزلخوان
.
باخ صبحدم سوم شعبانه شعف له
آفاقی منور ایلدی بیر مه تابان
.
تعظیم ائدیب اول ماهه بوتون اهل سماوات
مبهوت اولوب انوارینه خورشید درخشان
.
قنداقی گئدیب عرشه قوپوب شور قیامت
ذرات و جمادات اولوب یکسره رقصان
.
یارب گوره سن کیمدی بو مولود مبارک
انفاسی ائدیب بر و بیابانی گلستان
.
بو فاطمه نین اوغلی حسین بن علی دور
دریالر اولوبدور لب عطشانینه عطشان
.
وجه حسنه باخ وجناتیندا حسینین
زلف سیهی ائلییب عشاقی پریشان
.
دنیانی ائدیب نور جمالیله منور
عباس او شجاعتده بدیل شه مردان
.
عباسی گوره ن سویلدی به به بو جماله
جانلار اولا بو ماه بنی هاشمه قربان
.
دنیایه گلیب عبد خدا زینت عباد
دنیانی قدومیله ائدیب روضه رضوان
.
هم شبه پیمبر ائدیب آفاقی منور
پیغمبری یاده سالیب اول نیر رخشان
.
دریای ملاحتده ائدیب صانع هستی
پنهان صدف حُسن ده بیر تافته مرجان
.
تا جلوه ائده پرتو رخساری جهانه
گونلر دولانیبدیر یئتیشیب نیمه شعبان
.
بیر فرّ و شکوهیله بوگون حضرت قائم
دنیانی ائدیب نور وجودیله چراغان
.
هر ایل یئتیشن وقت ده شعبان آیی یولدان
بهجت بورویوب شیعه اولار خرم و خندان
.
یارب یئتیر اول حجت دورانی یئتیرسین
عاشقلری کامه ،کی اولوب قلبلری قان
.
گوسترسین اورخسارینی چکسین اوقیلینجین
وئرسین داها بوظلمیله بو ظلمته پایان
.
.
#ماه_شعبان
#حسینیه_میلادیه #حسینیه_علی_شهودی #علی_شهودی #حسینیه
#چون_اولدی_عیان_جیب_افقده_ن_مه_شعبان
#ترکی
.
.
نظر دهید