آچ گوزون گل نطقه اوغلوم گلمیشم مهمان سنه #تنور_خولی_یحیوی_اردبیلی

تنور خولی
شام غریبان امام حسین (ع)
.
.
مرحوم یحیوی اردبیلی
.
.
آچ گوزون گل نطقه اوغلوم گلمیشم مهمان سنه
یاتموسان خولی تنورینده آنان قربان سنه
.
.
چوخ جفا کار و ستمگر ملّتیمیش کوفیان
قتلگاه ایچره گذاریم دوشدی ای شاه جهان
باشیوی گوردوم کسوب شمر اللریوی ساربان
بستر اولموش ظلم الیله نیزه و پیکان سنه
.
.
نعشیوی گوردوم که بی سر قانیوه آغشته دور
یار و انصارون حسین جان قتلگه ده کشته دور
بیر یانان چادرده اولادون قولوندا رشته دور
هر بیریسی بیر دیلیله ایلیور افغان سنه
.
.
أود ووروبلار خیمه وه غارت ائدوبلر زیورین
آل اطهارون اسیر ایلوب عمر سعد لعین
زینبه بیر قاره معجر قویمیوبدور اهل کین
نه اوغول بیر کهنه پیراهن قویوب عنوان سنه
.
.
دئمه دون بو قوم سفیانه بابامدور مصطفى
حیدر کرّار آتامدور هم آنام خیرالنّسا
من غریبم ائتمیون حقّیمده سیز جور و جفا
شاید ائتمییدی بو لشگر ظلمده طغیان سنه
.
.
من نقدر ائتدیم نصیحت ای آنا بو لشگره
ائتمدی تأثیر اصلا ابن سعد کافره
سس سسه وئردی گروه نامروت یکسره
بیعته چیخمیش یزید دونیدن فرمان سنه
.
.
ایستدیم بیر جرعه سو من بی معین و تشنه کام
دئدیلر سو آل طاها ایچمگه اولموش حرام
تا گرک یانسون سوسوزدان عترت فخرالانام
قسمت اولماز گر اولا نهر فرات عمان سنه
.
.
وئرمدی سو تشنه کسدی باشیمی شمر دغا
باشیمه منزل آنا اولدی بوگون نوک جدا
قالدی عریان بی کفن نعشیم قوم اوسته برملا
سرگذشتیم اختصاراً ایلدیم اعلان سنه
.
.
ای شهید تشنه لب شاهنشه هر دو سرا
آزدی هر ایللر غمونده ناله ایلر ماسوا
«یحیوی» دن ایلمه توفیق اشعاری جدا
روز و شب نظم ایلسون شعر عزا گریان سنه
.
.
#تنور_خولی #یحیوی_اردبیلی #ترکی #زبدةالاشعار