زبانحال حضرت سید الشهدا علیه السلام با شمر ملعون در لحظۀ شهادت
.
.
مرحوم هادی تبریزی
.
.
ای شمرکس منیم باشیمی مندن ال گوتور
چخما یارالی سینمه سینم یارالی دور
.
ظالم یر اوسته هر یارادان تازه قان آخور
آغلار گوزیله گور نجه زینب منه باخور
.
.
گون ایسّی سینده سوز عطش اُلدوم العطش
جلدیم عطشدن اولدی بو صحراده منکمش
زینبله ای ستمگر اوتان ایتمه کشمکش
قوی قارداشون گوروب گیده خرگاه عصمته
حاضرلشه بلالی باجیم امر غارته
.
.
سنده باجی خیامیوه گیت یانما حالیمه
چوخ تنگ قیلما عرصه نی بو شمر ظالمه
چون جانویرن زماندا حسین ابن فاطمه
گویدن یر اوسته قان یاغاجاق رزمگاهیده
قورخار اوشاقلاریم باجی جان خیمه گاهیده
.
.
ای پستِ پست فطرت و ای شمر بی حیا
بیر باخ ایاقون آلتینا گور چخموسان هارا
سینم داغولدی دوش یره ای اشقی الاشقیا
آخر بو ظلمون آخری بولمم هارا چاتور
دوت مین یارالی سینمه اوخ تازه دن باتور
.
.
ظالم دولوبدی قتلگهیم تازه قانیله
منحور ایدوبله نحریمی رُمح سنانیله
من پیشواز مرگ ایدرم نقد جانیله
جاندان دوشن یارالیه یاره نه لازمه؟
جان اوسته اوخ ویروبدولا عطشان بوغازیمه
.
.
عجز ایتمرم بو چولده منه چون ستمدی بو
مغرور اولونما سنده اگر ایستسم ده سو
دنیاده یوخدی بیر سودا بیر ذرّه آبرو
من نفسیمه لباس تمنّانی بیچمرم
آب فرات آب حیات اولسا ایچمرم
.
.
دورما شرار ظلمیله کونه شراره ویر
باش فکرین ایتمین یارالی باشه یاره ویر
یوخ سنده رحم ایمدیکه یاره دوباره ویر
پر شور شور عشقیدی بو شورِ نو ظهور
مرهمدی بو یارالارا خاکستر تنور
.
.
ساتدون متاع دینیوی دینار و درهمه
سالدون تمام عالم امکانه همهمه
یوز قویدون ئولمه میش هله من سَمت مخیمه
گَردونی گَردِ ظلمیله تِئز تار و ظلمت ایت
کس باشیمی خیامده گیت قتل و غارت ایت
.
.
ظلمون بناسین عرش خدایه دایاندورون
نمرودیدن اطاعتوزی خلقه آندورون
آل خلیل خلیلینی سیز اودّا یاندورون
بیر اود که بیر کس عالم امکاندا گورمیوب
یانماز نقدر ساغدی باجیم زینب ئولمیوب
.
.
تاریخدن قاباقدا کی تاریخ رزم و جنگ
گوستر میوبدی جنگیده بیر بیله امر ننگ
خردا اوشاقه سو ویره اوچ شعبه لی خدنگ
بو چولده رسم جنگیده سیزلر ایاقلادوز
بیر شیرخوار طفلی قوجاقیمده اوخلادوز
.
.
.
#حسینیه #هادی_تبریزی #حسینیه_شهادت #ترکی #زبدةالاشعار
نظر دهید