تنور خولی
.
.
خوندل تبریزی
.
.
گل بو ویران شدۀ دشمنه خوشگلدون آنا
گلماقین اولدی سعادت منه خوشگلدون آنا
.
.
ایوین آباد آنا یاخشى منه اعزاز ایلدون
قانلی توزلی دلیمی درد دله باز ایلدون
سن که گلدون منی لطفونله سرافراز ایلدون
آزدی مین یولدا دیسم من سنه خوشگلدون آنا
.
.
گرچه ظاهرده منه منزل اولوب کنج تنور
باطناً بو یره اما دوشنوب گیسوی حور
بوردا وار منت تشریفوه بیر جلوۀ نور
مین کلیم اولسا یتر ایمنه خوشگلدون آنا
.
.
گلماقون عرشه یتوردی بو یرین پایه سینی
طور مشکل بو تنورین تاپا پیرایه سینی
قانلی باشیم که تاپوب عزّتوین سایه سینی
ظلّ رحمتدی بو پیرامنه خوشگلدون آنا
.
.
عشق حق ایتدی وطندن منی آواره آنا
یارالار آچدیلا یول رهگذر یاره آنا
چکدی عشقیم سنیده منزل اغیاره آنا
بوردا عشق اهلی یتر مأمنه خوشگلدون آنا
.
.
احتیاج اولمادی توضیحده کشف حاله
طلعت ماه ولایتده وروب کول هاله
گلمدیم گر یارالی باشیله استقباله
عفو ایله اولمادی ممکن منه خوشگلدون آنا
.
.
گوردون اوّل آنا مقتلدہ کی طوفانیمی سن
یاخدون او زلفوه باشیمدن آخان قانیمی سن
قویمادون خوار اولا بو شام غریبانیمی سن
بیرده گل آل باشیمی دامنه خوشگلدون آنا
.
.
شرمسارم سنه شرح ایتماقا هر مطلبیمی
نجه گوردون دی گوروم چرخ وفا کوکبیمی
ایله مقهور ایلیوب اهل جفا زینبمی
جسمی گوردون که دونوب سوسنه خوشگلدون آنا
.
.
قانه آغشته ایدوب دیدۀ تر ژاله سنی
داغدار آهی ائدر هر چمنین لاله سینی
ایله پر شور ایلیوب سوز ستم ناله سینی
اود سالار آهی دل آهنه خوشگلدون آنا
.
.
میزبانیم آنا بیرحم و جفا گستریدی
بستر ناز منه خاكیله خاکستریدی
کول لر اوستی بو یارالی باشیما بستریدی
دوندی امّا سنیله گلشنه خوشگلدون آنا
.
.
شب عاشور حسینی دل پر شوریمله
چشم تر اشكمیله خاطر رنجوریمیله
یازمشام حق اوزی عالمدی به منظور یمیله
گل بو ویران شدۀ دشمنه خوشگلدون آنا
.
.
خون دل توکدی گوزوندن یوزه #خوندل او گجه
اودلی قلبینده واریدی نچه مشکل او گجه
یعنی مین نسگله اود ویردی بو نسگل او گجه
گلماقون اولدی سعادت منه خوشگلدون آنا
.
.
#تنور_خولی #خوندل_تبریزی #ترکی #زبدةالاشعار
نظر دهید