زبانحال حضرت لیلا در راه شام
.
✍️ #زبدةالاشعار ✍️
.
🆔: @nohe_torki
.
مرحوم نالان قفقازی
.
آت یوزوندن او قرا تللری بیر یانه على
دوندی بالله جگریم لاله کیمی قانه على
.
بو ندامت منه بسدور سنه من ایلمدیم
کر بلاده او سیه طرّه لرون شانه علی
.
شمر ویرمز منه فرصت باشیما قمچی وورار
دولانام باشوه سوزیله چو پروانه علی
.
تشنه کسدی باشوی منقذ بیدین لعین
ویرمدی سو او لعین سن کیمی قربانه علی
.
بوسنون جذبۀ عشقوندی نه شمرین ستمی
سالموشام اوز اوزیمی برّ و بیابانه على
.
پابرهنه، کسی یوخ، ناقه لر اوستونده اسیر
رحم ایله بیر نظر ایت زینب نالانه علی
.
که علی وای دیوب آغلار گھی قارداشلارینه
یتشوب شمر جفا سینده بو گون جانه علی
.
بیریسی اهل حبش سویلوری بعضیسی فرنگ
بیر بیله ظلم اولونوب هانسی مسلمانه علی
.
ای اوغول رحم ایلیوب گرمنی دیندیرمیه سن
وئررم اشکیله عالملری طوفانه علی
.
هانسی مذهبده روادور آنانین اوغلی آله
وورالار قویمیه لر تا گله افغانه ملی
.
حسرتیم قلبده قالدی سنه طوی ایلمدیم
داخی بیل باغلامارام گردش دورانه علی
.
زلف سنبللروی مه یوزیوه ایله نقاب
پرده دوتمازلا سر آتش سوزانه علی
.
گل جمالون آیا تشبیه ایلیوم یا که گونه
حُسنوى سنبله یا یوسف کنعانه علی
.
عمرینی صرف ایلیوب شام و سحر نوحه ایدر
لطفیله بیر نظرایت غمزده «نالانه» على
.
.
.
#راه_شام_نالان_قفقازی
#آت_یوزوندن_او_قرا_تللری_بیر_یانه_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید