استمداد حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
حاج ناصر تبسّمی اردبیلی
.
یخدیلار قاسمی میدانه یتیش داده عمو
دوشموشم گل نئجه گور پنجۀ بیداده عمو
گوزلریم یولدادی ای سرو روان
آتاسیز قاسمی قویما نگران
.
.
.
پیکریم سُمّ ستورانه اولوب توش عمو
ایتی خنجرلر آچیبدور منه آغوش عمو
دوشموشم دشمن بی رحم آرا بیهوش عمو
جان وئرور قاسمی لطف ایله گل امداده عمو
گوزلریم یولدادی ای سرو روان
آتاسیز قاسمی قویما نگران
.
.
.
آلیب اطرافمی جلّادلر ایلور عجله
سبقت آلسون باشمی کسمگه ایستور قتله
سالماسون کاش عدو هی دیورم فرصت اَله
شه گله صوندا وئرم باشمی جلّاده عمو
گوزلریم یولدادی ای سرو روان
آتاسیز قاسمی قویما نگران
.
.
.
جان دوداقیمده نفس تنگه دوشوب خونجگرم
قان ایچینده عمو طوفان غمه غوطه ورم
اسلحم یوخ یارا سایسیزدی اوزوم بی سپرم
بیر سنی گوزلیورم جان وئرم آزاده عمو
گوزلریم یولدادی ای سرو روان
آتاسیز قاسمی قویما نگران
.
.
.
آت چاپور نعشمون اوستونده حسین اهل عناد
دشمنی شاد ایلیوب جهلی منی شوق جهاد
اکبرین عشقی اورکدن ایلیوبدی منی شاد
هوس زندگی یوخدور منه دنیاده عمو
گوزلریم یولدادی ای سرو روان
آتاسیز قاسمی قویما نگران
.
.
.
طایر روحیمه آغوشین آچیب باغ جنان
بیلمورم هئچ ندی اوخ نیزه و یا زخم سنان
داغیلیب پیکریمی گورسون اگر ائتمه فغان
عاریه جسمدی گئتسون گئده جک باده عمو
گوزلریم یولدادی ای سرو روان
آتاسیز قاسمی قویما نگران
.
.
.
مژدۀ نصرته اولدوم او زماندان کی خبیر
داشلارین ضربه سین احساس ایلدیم باد حریر
سر مذبوحیمه سرنیزه اگر اولسا سریر
اوجالار باشمی چوخ محضر طاهاده عمو
گوزلریم یولدادی ای سرو روان
آتاسیز قاسمی قویما نگران
.
.
.
صف عشّاقوه قوشدون منی ممنونم عمو
لطف سرشاروه هر حالده مدیونم عمو
دشمنون چوخ اورگون داغلیدی محزونم عمو
وای او ساعت کی گَله قیزلاری فریاده عمو
گوزلریم یولدادی ای سرو روان
آتاسیز قاسمی قویما نگران
.
.
.
دیلخوشیدی منیم البته ننه م چوخ طویوما
طوی سؤزی ایلسه آندیر اونا ای میر هدا
قرمزی قانی اولار خلعت جشن شهدا
اودی بو رسمله وار اوخشاری داماده عمو
گوزلریم یولدادی ای سرو روان
آتاسیز قاسمی قویما نگران
.
.
.
.
#قاسمیه #تبسمی
#قاسمیه_شهادت
#یخدیلار_قاسمی_میدانه_یتیش_داده_عمو
#ترکی
.
✍️ #زبدةالاشعار ✍️
.
🆔: @nohe_torki
نظر دهید