زبانحال حضرت زهرا(س)
..
..
..
..
..
روح اله اسماعیلی(منادی)
..
..
..
..
..
آی عموغلی آی عموغلی
درد الیندن وای عموغلی
ئولورم گل باشیم اوسته
منه دی لای لای عموغلی
..
..
..
..
..
یوزی یاره ، گوزی یاره
گونی گوندن گونی قاره
چوخ گَلَر بو روزگاره
منه اولماز تای عموغلی
..
..
..
..
..
گل عموغلی سنه قربان
نچه آیه اوخی قران
ئولورم جان ویریم آسان
منده قالمور نای عموغلی
..
..
..
..
..
اولمادی دردیمه چاره
گیدورم دل ده شراره
کیم گیدر بیله مزاره
یاره سر تا پای عموغلی
..
..
..
..
..
قلبوین رفع ایله گَردین
چکمه بیله آه سردین
باشیمین گل غم و دردین
من دیوم سن سای عموغلی
..
..
..
..
..
عازم کوی جنانم
جنته گر چه روانم
ولی سن دن نگرانم
تک قالارسان دای عموغلی
..
..
..
..
..
غم سنی ایلسه خسته
ایو ده قالما دلشکسته
گَلَسَن قبریمین اوسته
آغلاسان های های عموغلی
..
..
..
..
..
قویما اوت گلشنه دولسون
گول لریم ظلمیله سولسون
بالا لار دا گوزون اولسون
دیسه لر ای وای عموغلی
..
..
..
..
..
گوله بَنزَر سولموشام من
بیربولود تک دولموشام من
آی دا اولسام اولموشام من
دوتولان بیر آی عموغلی
..
..
..
..
..
درد پنهان اوزه دوشدی
سهم هجران بیزه دوشدی
اجلیم حیف تیزه دوشدی
گل یاسه تای عموغلی
..
..
..
..
..
غم اوخین قلبه تاخاندا
یاندیریب جانی یاخاندا
در و دیواره باخاندا
اولوراشکیم چای عموغلی
..
..
..
..
..
دشمنیم کامینه چاتدی
اوردا اوت خرمنه آتدی
اوردا محسن قانا باتدی
سعییم اولدی زای عموغلی
..
..
..
..
..
بو (منادی) سوزی واردی
صاف دور بیر یوزی واردی
کرمونده گوزی واردی
اونا ویر بیر پای عموغلی
نظر دهید