راجع به آمدن حاجی از مکه مکرمه
.
✍️ زبدة الاشعار ✍️
?: @nohe_torki
.
سید شاکر حسینی
.
سرای حیّ داداری زیارت ایلدیم گلدیم
مزار شاه بی یاری زیارت ایلدیم گلدیم
غم افزا کوچه بازاری زیارت ایلدیم گلدیم
اوپوب محنتلی درباری زیارت ایلدیم گلدیم
بقیعده غملی دیواری زیارت ایلدیم گلدیم
.
.
مدینه شهر اندوه و بلا و محنت و هجران
مدینه شهر خاموش و پریشان و جگر سوزان
مدینه شهر تاریک و مدینه بیر پارا حُرمان
مدینه شهر درد و غم سالان غملی دله طوفان
غمین دور کُلّ آثاری زیارت ایلدیم گلدیم
.
.
سسیم افلاکه قووزاندی پیمبر بارگاهینده
یارالی قلبیم اودلاندی او مولا جلوه گاهینده
جهانی یاندیروب یاخدیم او قبرین شاهراهینده
دایاندیم تئز ایاق اوسته بتولین قتلگاهینده
گوزوم یاشی اولوب جاری زیارت ایلدیم گلدیم
.
.
دئدیم بس هارداسان فریاده یا صاحب زمان تئز گل
امیدیم قطع اولوب امداده یا صاحب زمان تئز گل
نظر ایله دل ناشاده یا صاحب زمان تئز گل
اورگیم قان اولوبدور داده یا صاحب زمان تئز گل
دولاندیم قبلیه ساری زیارت ایلدیم گلدیم
.
.
بهارین ابری تک دولدوم دویونجا آغلادیم اوردا
ایکی گوزدن اورک قانین عذاره باغلادیم اوردا
دئدیم ایوای یانا یانه جهانی داغلادیم اوردا
عزاداره قوشولدوم منده ماتم ساخلادیم اوردا
اورگی داغلی زوّاری زیارت ایلدیم گلدیم
.
.
رسول اکرمین قبرین اوپنده گلدیم افغانه
دئدیم ای خسرو خوبان اورگیم دوندی القانه
بتولین قبرین آختاردیم گوزی یاشلی یانه یانه
نئجه ذکر ایلیوم یاندیم شرار نار هجرانه
یکایک غملی آثاری زیارت ایلدیم گلدیم
.
.
پیمبر عطرینی آلدیم عبادتگاه و منبردن
قدم آهسته گوتدوم گئج چیخام صحن مطهّردن
شعاریم اولدی یا زهرا عزیز شاه محشردن
نه حالیله سوویشدوم بیلمورم اول قانلی سنگردن
مزار پاک دلداری زیارت ایلدیم گلدیم
.
.
الیمی عرشه قالخیزدیم دئدیم ای خالق سبحان
پوزولدوم حالیدن چیخدیم مقام پاکوه قربان
اسور یاپراق کیمی جسمیم نه چاره ایلیوم الان
خانم زهرا فراقینده اولوبدور گوزلریم گریان
مکان غربت و تاری زیارت ایلدیم گلدیم
.
.
مدال محنت و دردی یارالی سینه ده قازدیم
گوتوردوم خامه عشقی مصیبت نامه نی یازدیم
دولاندیم دیده سی گریان خیال فکرده آزدیم
اوزومده بیلمدیم آیا نئجه بو مطلبی یازدیم
خدا قیلدی مددکاری زیارت ایلدیم گلدیم
.
.
شرار آهیله ویرانه قویدوم خانه کِبری
اوتاندیردوم گویون اوسته یاغش جاری ائدن ابری
پوزولدوم حالیدن گئتدیم قوتاردی جسمیمون صبری
گوزومده جلوه گر اولدی خانم امّ البنین قبری
او صحرا اولدی گلناری زیارت ایلدیم گلدیم
.
.
ابوالفضل وای سسین آلدیم نوایه گَتدیم افلاکی
گوزوم یاشیله ایسلاتدیم او چولده تربت پاکی
نه حاله سالدی اندوه و محن بو چشم نمناکی
گوتوردوم باشیمه سپدیم او قبرستانیدن خاکی
گوزومدن اولدی خون جاری زیارت ایلدیم گلدیم
.
.
تمام دهری آغلاتدی اونا غملی سوزوم قربان
بولوط آلتدا قالان آی تک غم آلوده یوزوم قربان
علینون قهرمان اوغلی ابوالفضله گوزوم قربان
اوزون قولاّرینه اهل و عیالیم هم اوزوم قربان
اوخوندی ذکر و اشعاری زیارت ایلدیم گلدیم
.
.
گتوردی سوز سوزی نیلوم دونیدی قانه کاش علقم
ابوالفضل علمدارین ائدوب افکارینی برهم
بویاندی قرمزی قانه اوزون قولاّر دوتان پرچم
دوشنده نهرین اوستونده ملکلر وای دئدی باهم
بقیعده غملی آثاری زیارت ایلدیم گلدیم
.
#زائر_کعبه #کعبه
#سرای_حی_داداری_زیارت_ایلدیم_گلدیم
#سیدشاکرحسینی
#ترکی
.
✍️ #زبدةالاشعار ✍️
?: @nohe_torki
نظر دهید