زبانحال امام حسین (ع) در بالین حضرت ابوالفضل (ع)
..
..
..
#سبک_کجایید_ای_شهیدان … #سبک_جوشی_زنجیر … #سبک_بو_کیمدور_یوسف_کنعانه_بنذر … #سبک_بیا_یابن_الحسن_آرام_جانم (با اضافه کردن واگیر)
..
..
..
فصیحی
تضمین از کلام مرحوم نجمی تبریزی
..
..
..
ئولوبدی یاوریم قارداش اباالفضل
قان آغلار گوزلریم قارداش اباالفضل
وزیرِ دفتریم قارداش اباالفضل
دور ای غم پروریم قارداش اباالفضل
امیر لشگریم قارداش اباالفضل
..
..
..
سینان باشدان آخور قان قاشون اوسته
قالو بدور ابر تک قان یاشون اوسته
دگوبدور عُمر جامی داشون اوسته
الیم بئلده یارالی باشون اوسته
آخور اشگ تریم قارداش اباالفضل
..
..
..
حسینون اوج ائدوب عرشه نواسی
ئولر گییمز ولی ذلّت لباسی
توکر اشکین دلینده وا اخاسی
گوزل اسمون اولوب، اسمون فداسی
دلیمده ازبریم قارداش اباالفضل
..
..
..
داغیلدی دین یولوندا عزّ و جاهیم
شهادت شربتین ایچدی سپاهیم
یوخومدی دادرس چون باتدی ماهیم
سسیمه سس وئر ای پشت و پناهیم
اویان نام آوریم قارداش اباالفضل
..
..
..
عقابوندن دوشوبسن گئتموسن خیز
بو السیز جسمی دشمن ائتدی ریز ریز
اولوندی یاره لر گل برگ آویز
بو چولده قالمیشام تنها کومکسیز
داخی یوخ یاوریم قارداش اباالفضل
..
..
..
دوشوبدور گلشنیم ذوق و صفادن
حرملر چکمز ال آه و نوادن
سنون مرگون منی سالدی قوادن
گلوب هر سمتیدن اهل جفادن
دولوب دور و بریم قارداش اباالفضل
..
..
..
بو چولده موج ائدوب بحر مصیبت
غمونده دولدوروب آفاقی محنت
حسینم بیکسم ای کان غیرت
دور آل شمشیر اله ایله حمایت
منیم تاج سریم قارداش اباالفضل
..
..
..
سنی گورّم سالوب دشمن حصاره
ویروبدی هر گلن بو جسمه یاره
اولوبسان پیکروندن پاره پاره
چکر بو حاله باخدوقجا شراره
بو قلب مضطریم قارداش اباالفضل
..
..
..
اویاندا جان وئروب اصغر یارالی
بویاندا وار گوله بنزر یارالی
او گولدور خاریله پرپر یارالی
دوشوب بیر سمتیده پیکر یارالی
علی و اکبریم قارداش اباالفضل
..
..
..
موفق اولماسون بو اشقیانی
آتوبلار قلبیدن مهر و وفانی
بیزه گوستردیلر ظلم و جفانی
الیمدن آلدیلار سن تک جوانی
بو گون مه پیکریم قارداش اباالفضل
..
..
..
بیر اللّهدان منیم وار التماسیم
فدای حق اولام یوخدور هراسیم
اولار سندن صورا غارت لباسیم
نه وار اوغلوم علی اکبر نه قاسیم
نه عون و جعفریم قارداش اباالفض
..
..
..
فدای دین اولوب افرادیم ئولدی
جوان کورپه ایکی اولادیم ئولدی
بیلورسن قامت شمشادیم ئولدی
طویی یاسه دونن دامادیم ئولدی
سینوب بال و پریم قارداش اباالفضل
..
..
..
قیام ائتدوک گوزل بو انقلابه
طرفداروک همیشه بیز کتابه
سالوب محنت حسینی پیچ و تابه
سن ئولدون باغلانار محکم طنابه
بلالی خواهریم قارداش اباالفضل
..
..
..
گرک طاعت ائدک امر خدایه
وئرک عشقینده اجلالی فنایه
اچاق عزتله یول دار بقایه
سن ئولدون گون کیمی نوک جدایه
کئچر قانلی سریم قارداش اباالفضل
..
..
..
حرم اهلی قان آغلاردی حرمده
او ماتمده ائدوب شرکت ننه مده
منی غرق ائتدیلر بحر المده
سن ئولدون باشلانوب خرگاه غمده
بو چولده محشریم قارداش اباالفضل
..
..
..
گلوب ماتم دوتا ختم رسالت
اولوب همراه اونا شاه ولایت
بو احواله حسینده یوخدی طاقت
سن ئولدون ای همای برج همت
توکولدی شهپریم قارداش اباالفضل
..
..
..
«فصیحی» باتدی بو غمده ملاله
توکر گوزیاش یانار بو قیل و قاله
دیر ایوای باتان بدر کماله
سن ئولدون نجمی قان آغلار بو حاله
اولوبلار نوکریم قارداش اباالفضل
..
..
..
#عباسیه #فصیحی #عباسیه_نجمی_تبریزی #نجمی_تبریزی #ترکی #زبدةالاشعار #عباسیه_شهادت
نظر دهید