زبانحال حضرت موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
کربلایی محمدرضامحمدی( ناعم )
.
بالینیمه گل اوغول غملیم آدامسیزام
جان یتوب دوداقیمه صون نفسدی یالقوزام
.
گل رضا.گل رضا. غمله سینه داغلاسن
جان چیخور سینه دن گوزلریمی باغلاسن
.
.
.
.
اون بیرایلدی گوشه ی محبسون اسیریم
محبسون اسیریم عالمون امیریم
کنده و زنجیردن پیکریم یارالیدی
باش اگمرم ظالمه عزتون سفیریم
.
قلبیمی سیندیروب دیل یاراسی حبسیده
اولمیشام دردو غم مبتلاسی حبسیده
.
.
.
.
سالدی ایاقدان منی غربتون مشقتی
جانه گتوردی منی دشمنون اذیتی
اولدورمسه محنت و دردوغم بو گوشه ده
آخرمنی اولدورر محبسون رطوبتی
.
گل اوغول قالماسین غملی سینه ده سوزوم
گوزلورم من سنی یوخدی سینه ده دوزوم
.
.
.
.
چوخ ایستیرم فاطمه باشیم اوستونه گله
غملی گوگول، فاطمه گلسه بلکه دینجله
یالوارورام سجده ده حی لایزالیمه
اولسا رضا اللهیم مطلبیم گلر اله
.
گل اوغول باشیمی آل دیزاوسته جان ویریم
یوزده سیلی یرین من سنه نشان ویریم
.
.
.
.
حق یولوندادوزموشم دردوغصه وغمه
اعلان ایتمیشم اوغول حقی کل عالمه
سیلی دگنده منه یانمیشام رقییه
آغلامیشام چوخ گجه بوردا زینب عمَّمه
.
عمه مونده قولون اهل کینه باغلادی
چوخ گجه من کیمی یاندی سینه داغلادی
.
.
#سبک_یخلدی_سقا_یره
.
#کاظمیه_شهادت
#بالینیمه_گل_اوغول_غملیم_آدامسیزام
#محمدی_ناعم
#ترکی
.
✍️ #زبدةالاشعار ✍️
.
🆔: @nohe_torki
نظر دهید