زبدةالاشعار

ئولومدن سختیدور عالمده یار آیریلسا یاریندن #اکبریه_صراف_تبریزی

#بهاریه
#گریز به وداع حضرت علی اکبر (ع)
.
.
مرحوم #صراف_تبریزی
.
.
ئولومدن سختیدور عالمده یار آیریلسا یاریندن
گوروم آیریلماسین عاشق همیشه اوز نگاریندن
.
گوروم فصل خزان گتسون همیشه نوبهار اولسون
گوروم آیریلماسین بلبل چمنده گل کناریندن
.
گوروم ظالم چراغی یانماسین بیر گونده عالمده
گوروم کام آلسین عارف کامیجه پروردگاریندن
.
محبت اولماسا دنیا بیوک زنداندی انسانه
محبت سیز جهان منهادی قدر و اعتباریندن
.
او کس که درد عشقه اولمیوبدور مبتلا بولمز
نیه پروانه دونمز یانماسا شمعین شراریندن
.
نیه مجنون باشیندا شور لیلی چوللره دوشدی
مطوّل بیر حکایتدی دل محزون و زاریندن
.
محبت بیر یانار اودّی گرفتار اولمیان بولمز
بو سری آل خبر فرهاد و شیرینون تباریندن
.
جهانون بتلرین سیندیردی محمود جهان گستر
اَیازین بنده سی اولدی خبر آل روزگاریندن
.
نه دوندی وامق عذرادن نه اولدی ویس رامیندن
مگر نه جذبه دور عاشقده بو طرفه نگاریندن
.
غرض بو سوزلری ذکر ایلماقه واردی منظوریم
کونول مبهوتیدور بیر گوهر عشقین عیاریندن
.
#گریز
.
هامی عاشقلرین جانی حسینون جاننه قربان
که تاریخ محبّت زنده دی اعمال کاریندن
.
حسینی عارف و ما فی بولر عشقینده بی همتا
کیچوب آوازه سی عرش خدانون گوشواریندن
.
آچیلدی قرعۀ توحید حسینون آدینه چیخدی
قالوب عالم تحیّرده حسینون افتخاریندن
.
مقام عشقنه زیبنده بولدی شاهد یکتا
حسینی سِچدی عاشقلر ایچینده اختیاریندن
.
شب اسراده گوردی اولین شخصیّت عالم
حسین آدین یازوبلار عرشیده عرشین حصاریندن
.
او گوندن عشقی بیر اولسیدی آرتدی مین ایله اولدی
دیدی دینیم قالار زنده حسینین اقتداریندن
.
حسین آزاده لر آزاده سی جانباز جانبازان
کئچنده اکبریندن کیچدی گویا هر نه واریندن
.
نه اکبر معنی الله اکبر مظهر قدرت
که واللیل آیه سی تفسیر دور گیسوی تاریندن
.
نه اکبر هر تلیندن مین دل لیلی وش آویزان
نه اکبر بیر گُلستان گُل – گل آگنده عذاریندن
.
.
نه اکبر اعتدال قامتیندن سرولر واله
نه اکبر مستیدی نرگس هله چشم خماریندن
.
نه اکبر هر باخان سویلور بو صورتده بشر اولماز
دیرسن آهوی جاندور گلوب جانان دیاریندن
.
اگر ائتسیدی منصوره تجلّی حسن مستوری
اناالحق کلمه سین اصلا دیمزدی پای داریندن
.
اگر چاه زنخدانین گوریدی یوسف مصری
قالاردی تا قیامت چاهده چخمازدی عاریندن
.
بلی بیله جواندان اَل گوتورماخ امر مشکلدور
حسینه باخ گوزون یومدی باباسی یادگاریندن
.
گوروبدور ناز پروردی ایله مستِ محبّتدور
یاغور شوق شهادت چهرۀ یوسف شکاریندن
.
دیدی عزم ایتموسن گیت دام زلفون آچما یول اوسته
مروّت سیزدی اَل چکمز سر زلفون دچاریندن
.
بو خال و خطّه مطلوبون اوغول محبوبنه قربان
که سر خط ویرموشم حاشا چخام خطّ و مداریندن
.
فراقوندا فقط اللهیدن صبر ایسته لیلایه
آنان یالقوزدی جان ویرسه سزادی اضطراریندن
.
ملامت ایتمرم لیلا هلاک اولسا بومحنتدن
نجه گورسون گیدور جانانی چشم اشکباریندن
.
حسینین نوکری صراف یازدی بو نچه بیتی
یوزه سالدی اوز عشق پاکینی قلب فکاریندن
.
#اکبریه_شهادت
#ئولومدن_سختیدور_عالمده_یار_آیریلسا_یاریندن
#ترکی #اکبریه
#زبدةالاشعار #بهاریه_صراف_تبریزی

متن پیشنهادی:  گوز بولاقیندن آخان گوزیاشی شربتدی منه #حسینیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی