ائتدی اثر چو زینبه تأثیر آفتاب #حسینیه_خازن_تبریزی

خطاب حضرت زینب (س) به آفتاب
بعد از شهادت امام حسین (ع)
.
#زبدةالاشعار
.
: @nohe_torki
.
مرحوم خازن تبریزی
.
ائتدی اثر چو زینبه تأثیر آفتاب
یوز دوتدی آفتابه او خاتون ایدوب خطاب
.
ای گون بو گون نه گوندی که آرتوب حرارتون
بنزر قیامتون گونونه هر علامتون
.
ئوز مرکزونده ایلموسن حدّ انکساح (1)
گوررم جدا بویی بیزیله وار مسافتون
.
غمدن دوتولموسان ایلیوبسن و یا کسوف
مخسوف ماه تک قزاروب رنگ صورتون
.
حالوندا آشکاردی آثار روز حشر
یوخسا بو گون سنونده قوپوبدور قیامتون
.
کوکب کیمی یوزه توکوسن گوزدن اشگ تر
موجه گلوب فرات کیمی اشگ حسرتون
.
هر بیر دمیله یاندیروسان خلق عالمی
گرمیّته دمادم اولور سعی شرکتون
.
ای گون بو گون زواله یتوبدور منیم گونوم
بولمم سنون ندندی پریشاندی حالتون
.
ای گون قوجاقلیوبسن حسینی بو حالیله
یوخسا واروندی دلده خیال زیارتون
.
کرب و بلا دیارینه بیرده نظاره قیل
ای گون مگر آچوخ دگو چشم بصیرتون
.
توپراقلار اوستونه یخیلوب شاه مشرقین
عریان قالوبدی پیکری شمس امامتون
.
آغوشه آلموسان یارالی قانلو نعشینی
یوخسا سنونده واردی حسینه محبّتون
.
آهسته دوش یاراسینا ای گون ترحم ائت
بولّم سنون نقدر واروندور جسارتون
.
نه دفن ایدن تاپولدی کفن ممکن اولمادی
سن اول کفن حسینه گر اولسا لیاقتون
.
ای گون حسین حالینه دقّتله قیل نظر
آخر قیامتون گونی اولسون شهادتون
.
اهل جفا حسینیمی ئولدوردی تشنه لب
ساخلا یادوندا ظلمونی اهل شقاوتون
.
ای گون اماندی دوشمه علمدار نعشینه
گچسون بو اهل بیته بو یرده حمایتون
.
ایلوبله قوللارینی قلم چوخدی یاره سی
باشین سوسوز کسوبله او کان شجاعتون
.
گل دوشمه نعش اکبره گلدن لطیفدور
گرچه سنون گلیله واروندور رفاقتون
.
بو گل او گل دگول آچیلار لاله زارده
بو گلعذار بلبلیدی باغ جنتون
.
قاسم اولوبدی آتلار ایاقینده پایمال
دوشسن یارالی سینهسمینه وار مذمّتون
.
گویلوم دولوبدی دردیله ای گون گلوب دیله
بو نسگلی دیسم سنه آرتار مصیبتون
.
« خازن » وئروبدی دم سنه بیر عندلیب غم
اولموش اودور فصیح بو نوعی بلاغتون
.
1 – انکساح : یعنی ثقلت در حرکات و ضعف نشان دادن
.
.
#عاشورا #حسینیه_شهادت
#حسینیه_خازن_تبریزی
#ائتدی_اثر_چو_زینبه_تأثیر_آفتاب
#ای_گون_بو_گون_نه_گوندی_که_آرتوب_حرارتون
#ترکی
.
#زبدةالاشعار
.
: @nohe_torki
.