کوچ اهل بیت از قتلگاه کربلا
زبان حال امام حسین (ع) خطاب به حضرت رقیه (س)
.
✍️ #زبدةالاشعار ✍️
.
🆔: @nohe_torki
.
#سبک_ای_حرمینه_ناز_ایدن … 4 سبک
مشابه
.
مرحوم تائب تبریزی
.
سینه مه گل گوزل بالا نازلی رقیَّم آغلاما
بیله یانوب سیزیلداما نازلی رقیَّم آغلاما
.
.
قید جفایه بسته سن، اهل جفا اسیری سن
غصه یوروبدی خسته سن، درد و بلا اسیری سن
ظلمیله دلشکسته سن، کرب و بلا اسیری سن
باخما بو نوع صاق صولا، نازلی رقیَّم آغلاما
.
.
گرچه چتیندی بلبله، صحن چمنده آیریلا
ترک ائده گل بوداقینی، سرو و سمنده آیریلا
یعنی سنون کیمی بالا، جبریله مندن آیریلا
لیک نه چاره وار بالا، نازلی رقیَّم آغلاما
.
.
سؤگولوم عادت ائتموسن، دائماً اِعتِناقیمه
لیک بو گون جفائیله، توش اولوسان فراقیمه
سینه مه سال اؤزون آلوم، بیرده سنی قوجاقیمه
ایلمه نی کیمی نوا، نازلی رقیَّم آغلاما
.
.
غصه لی سن ز بس دولوب، ابر بهار تک گوزون
چوخ سنی انجیدوبدیلر، واردی ئورکده چوخ سوزون
گتمه لیسن علاجسیز، سینه مه بیرده سال اؤزون
دردیوی دئ ائدوم دوا، نازلی رقیَّم آغلاما
.
.
من شه مشرقینیدیم، ظلمیله قانه باتموشام
ئولدوروب اؤز رعیتیم، عالمی گوزدن آتموشام
پیکر چاک چاکیله، قانلو قوم اوسته یاتموشام
سینه یارا بدن یارا، نازلی رقیَّم آغلاما
.
.
ایله بیان گوروم ندن، سن بئله حاله قالموسان
خرداجا سنّیله دله، بیر بئله غصه آلموسان
ای گل ناز گلشنیم، بیله ندن سارالموسان
رنگون اولوبدی کهربا، نازلی رقیَّم آغلاما
.
.
سن بالا سینه داغلوسان، سولموش اوزون نشان ویرور
داغلو دلون یانور گوزون، جامی عذاره قان وئرور
غملریوی بو گوزیاشون، سولموش اوزونده سان وئرور
نسکلوه جهان فدا، نازلی رقیَّم آغلاما
.
.
آغلاما آل عصمته، نازلی عزیزه سؤگولی
شاخ حیا و عصمتین، شور و نوالی بلبلی
سولما سارالما ای گوزل، گلشنیمین گوزل گلی
آغلاما سینه داغلاما، نازلی رقیَّم آغلاما
.
.
حالیوی هر گورن اولور، دردیوه یولداش آغلوری
حسرتیله توکور یوزه، گوزلری قانیاش آغلوری
ایله یانقلی آغلوسان، حالیوه داغ داش آغلوری
سنله اولورلا همصدا، نازلی رقیَّم آغلاما
.
.
باخما دوتوبدی اهل کین، جبریله صاق صولون قیزیم
طی ائله آیریلان زمان، مهر و وفا یولون قیزیم
قوی دوداقون بوغازیما، بوینوما سال قولون قیزیم
اخذ ائله توشه دوش یوللا، نازلی رقم آغلاما
.
.
من بولورم رقیّه جان، سن نه قدر وفالیسان
من کیمی سینه داغلیسان، سنده ئورک یارالیسان
منده باشی بلالیَم، سنده باشی بالیسان
دؤز دئ بلالره بَلا، نازلی رقیَّم آغلاما
.
.
من نئجه قانه باتموشام، قانیمه سنده بات قیزیم
آتموشام استراحتی، سنده او فکری آت قیزیم
من قوری یرده یاتموشام، سنده یر اوسته یات قیزیم
ایله ثبوت ادعا، نازلی رقیَّم آغلاما
.
.
« تائب» اگر کمک ائده، قدرت لم یزل اؤزی
دفتره یازدوقون اولار، جملۀ سوزلرین گؤزی
یاخشی گلوبدی دفتره، ثبت ائله بیرده بو سوزی
سینه مه گل گوزل بالا، نازلی رقیَّم آغلاما
.
.
#کوچ_کربلا #تائب_تبریزی
#سینه_مه_گل_گوزل_بالا_نازلی_رقیم_آغلاما
#ترکی
.
✍️ #زبدةالاشعار ✍️
.
🆔: @nohe_torki
نظر دهید