زبدةالاشعار

ائدنده اکبر شهزاده عزم میدانه #اکبریه_حقیر_خویی

وداع حضرت علی اکبر(ع)و زبانحال مادرش
.
✍️ #زبدةالاشعار ✍️
.
🆔: @nohe_torki
.
مرحوم میرزا عبدالوهاب حقیر خویی
.
ائدنده اکبر شهزاده عزم میدانه
دیردی لیلی مجنون نما یانا یانه
.
نقدر چکمیشم اون سگّیز ایلده زحمتوی
یتورموشم بو بویا بیله سرو قامتوی
.
یتیشدی آخره عمریم یتونجه حاصله من
امیدواریدیم اما بیر آرزوئیله من
.
جوان اوغول قوجا وقتیمده دستگیریم اولور
نهال قامتون الده عصای پیریم اولور
.
بو روزگار جفا طرحینی بئله سالدی
او آرزوئیله گوگلومده حسرتیم قالدی
.
خیالیوی بولورم چون شهادت عزمون وار
قوی ایمدی منده ائدیم اؤز خیالیمی اظهار
.
منیم رضامی اگر سنده ایله سن منظور
حسین خاطرینه بیر او قدر صبر ائله دور
.
بو کربلادی مناسن ذبیح من هاجر
وئروم اؤزوم سنه هاجر کیمی بوگون زیور
.
بیاض سینم اولوب دوده دود آهیمدن
سواد سرمه ی کیمی طالع سیاهیمدن
.
گوزیوه سرمه چکیم زلفوه گلاب سپوم
گلاب اولماسا گوزدن سرشک ناب سپوم
.
قرادی گرچه گوزون سرمه سی اؤزیندن دور
سواد نامه ی هجران قرا گوزومدن دور
.
نه احتیاج چکوم سرمه چشم مستانه
ولیک سرمه اولوب رسم چشم قربانه
.
سنی منای محبتده وئرموشم قربان
گرکدی زینت مژگانه اولماسون نقصان
.
شکنج کاکل مشگین عنبر افشانه
سزادی پنجه ی مژگانیله وورام شانه
.
او شانه نین اثرین کاکلونده چون گوره لر
گورنده شانه لی قانیله شست و شو ایلر
.
مکالمات علی اکبریله لیلادن
اوجالدی ناله سسی اهل بیت طاهادن
.
گنه حضور امام زمانه قیلدی خرام
ادب یوزیله دوروب خدمتینده وئردی سلام
.
فدا اولوم سنه راضی اولوبلا اهل حرم
حلال قیل منی جدّون حضورینه گئدورم
.
امیر حلّ و حرم شهریار ملک عرب
چاغوردی گلمگه تعجیل قیل باجی زینب
.
توقّف ائتمه مواریث انبیانی گَتور
عمامه ی شرف افزانی مصطفانی گتور
.
ردای شیث بنی خاتم سلیمانی
حمایل ائتماقا شمشیر مصطفانی گتور
.
قمیص یوسف و اسحق و حرز یعقوبی
قبای فاخر و دیبای مجتبانی گتور
.
ضرور دو سپر خمره جوشن داوود
عقاب توسن عباس باوفانی گتور
.
عصای موسی عمران کمان اسماعیل
نشانه جعفر طیّاردن سنانی گتور
.
ائدوب اطاعت فرمایش امام انام
حضورینه گتوروب زیب و زرم بزمی تمام
.
جمال اکبره حسرت یوزیله سالدی نظر
بویوردی گل ایره لی ای شبیه پیغمبر
.
سنی بو حُسنیله بزم لقایه گوندرورم
حریم بارگه کبریایه گوندرورم
.
خلیل وارثیَم کربلادی کوه منا
ذبیح وار سنی بو منایه گوندرورم
.
عبث یره دگلم زینت ائتماقا راغب
که طالبم طلب مدّعایه گوندرورم
.
عزیز ائتماقا یعقوب وار یوسیفیمی
متاع حسنیله مصر بلایه گوندرورم
.
وفالیسان بیلورم واردی چوخ وفا سنده
قتیل اولماقا کوی وفایه گوندرورم
.
رضای دوستیله بیگانه لر مقابلینه
حقیقتاً طرف آشنایه گوندرورم
.
جهاد اکبر ائدوبسن جهاد اصغر ایچون
قتال طایفه ی اشقیایه گوندرورم
.
علی سنون کیمی رعنا جواندان ال چکورم
بوله بوله دم تیغ جفایه گوندرورم
.
بو حلقه حلقه سیه زلف عنبر افشانون
کلاله اولماقا نوک جدایه گوندرورم
.
شروع ائدوب که ائده اکبرینه پیرایه
توجه ائتدی ازل کاکل مُطَرّایه
.
گل اوسته گوردی دوشوب دسته دسته سنبلنی
ال آتدی زلفینه دورت شقّه قیلدی کاکلینی
.
سالوب نظامیله بیر شقّه سین جبینندن
کمندوار بیرین جانب یمینندن
.
بیرین دالی طرفیندن بیرین یساره سالوب
دعای هیکلیلن هیکلین حصاره سالوب
.
باشینا قویدی چون عمّامه ی رسول الله
نهان ائدوب بولود آلتیندا اؤز جمالینی ماه
.
دوزلدی قامتینه راست جوشن داوود
جمال مهر و رخ ماه اولدی زرد کبود
.
سالوب کمان قاشینی چگنینه کمان چون تیر
خدنگ تیرینه شیر فلک اولوب نخجیر
.
کمند زلفی کیمی کهکشان چرخ کمند
قولونا عقد ثریّانی قیلدی بازوبند
.
کمان گوشه ی ابروسینی گوروب بهرام
آتوب کمانی دوتوب گوشهٔ فلکده مقام
.
چکوب مقابل چشمینده صف صف مژگان
خدنگ هر مژه بیر تیر ناوک پیکان
.
وئروب قرار سپر کتفینه چو قرص قمر
نهان اولوب بولود آلتیندا خسرو خاور
.
نهال قامت موزونی تک الینده سنان
گلنده لرزیه ارض و سما اولوب لرزان
.
حمایل ایلدی چون ذالفقاری حیدر وار
گورن دیردی بو سروردی حیدر کرّار
.
چکوب رکابه عقابی او ضیغم بی باک
قدم رکابه قویوب جست و چابک و چالاک
.
به سان برق جهنده اولوب سمنده سوار
دوشوب رکابینه فتح و ظفر یمین و یسار
.
سرور سینه ی لیلی اولوب روانه ی راه
دالیجا حسرتیله اهل بیت ائدردی نگاه
.
بیری دیردی الیمدن برادریم گئتدی
بیری دیردی شبیه پیمبریم گئتدی
.
بیری دیردی بوکولدی قدّیم بئلیم سیندی
بو اعتدالیله سرو صنوبریم گئتدی
.
بیری دیردی غریبم و یار غربتده
قویوب قرا گونه مهر منوّریم گئتدی
.
بیری دیردی اسیر اولماقیم یقین اولدی
الی اوزولدی الیمدن دلاوریم گئتدی
.
گلنده نالیه لیلا دیردی وا وَلَدا
الیم عصاسی گوزوم نوری اکبریم گئتدی
.
نوای شوریله زینب فغانیله کلثوم
دیردی بیر به بیر عزّتلی گونلریم گئتدی
.
بیری دیردی اسیر اولماقیم یقین اولدی
بیری دیردی که یغمایه معجریم گئتدی
.
یری وار عرض ائلیم گر بویوردی شاه شهید
منیمده بیر به بیر الدن کمک لریم گئتدی
.
قریلدی قوم و قبیلم داغیلدی اصحابیم
تمام ناصر و اعوان لشگریم گئتدی
.
بو چولده بیر منه غمخواریدی علی اکبر
اودا قویوب منی بی یار یاوریم گئتدی
.
#اکبریه_حقیر_خویی
#اکبریه_شهادت
#ائدنده_اکبر_شهزاده_عزم_میدانه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  حمدلله حق ویروبدی رتبه ی اعلا منه #اربعین_محمدی_ناعم

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی