زبدةالاشعار

قیزلارون گلدیلر یاتما دور عطشان حسینیم #اربعین_خوندل_تبریزی

اربعین
.
#سبک_اصغر_ای_بختیمون
.
.
مرحوم خوندل تبریزی
.
.
قیزلارون گلدیلر یاتما دور عطشان حسینیم
زینبون بو گوزل قبریوه قربان حسینیم
نازلی رقیه آیریلدی بیزدن
زهرایه اولدی مهمان حسینیم
.
.
بو سفر ده ز بس غصه دن دوشدوم فشاره
قلبیمین غملرین اشکیله یازدیم عذاره
دوندی سنسیز ایشیق گوندوزوم بیر لیل تاره
ای وفا چرخینه نیّر تابان حسینیم
.
.
ایتمیوب بی سبب رنگیمی غملر پریده
بار غمدن اولوب سروتک قدیم خمیده
جبریله چاره سیز گیتمیشم بزم یزیده
ایتمیشم حقیوی عالمه اعلان حسینیم
.
.
سن او گون که سوسوز قانیوه بو چولده باتدون
بیر نه تک قیزلارون عالمی فکروندن آتدون
باش ویروب نیزه ده باشوی قارداش اوجاتدون
اولدی اسلامه بیر خدمت شایان حسینیم
.
.
تا بو چولده یتوب آخره امر شهادت
ویردیلر لشگره ظلمیله فرمان غارت
آچدیلار بیزلره کوفیان دست جسارت
اولدی خرگاهیمیز ظلمیله تالان حسینیم
.
.
قان توکن لشگره تا اولوب غارت محول
نازنین قیزلارا کوفیان جبراً آچوب ال
تلّه گلدیم اوزوم سسلدیم گل قارداشیم گل
اهل بیتون سویور لشگر عدوان حسینیم
.
.
زینبون قلبینه سالدیلار حسرت شرارین
قیزلارین آرتروب غصه لر زجر و فشارین
کوفیه چکدیلر ظلمیله بو غم قطارین
اولدی منزل بیزه گوشۀ زندان حسینیم
.
.
ایتدی زلفیم کیمی غم منی قارداش فتاده
دشمنیم بولمدى منده وار سینماز اراده
جبریله چکدیلر مجلس ابن زیاده
گوز یاشیم قصرینه سالدی بیر طوفان حسینیم
.
.
ایتدیلر بیزلری باغریقان آل امیه
قبرون اوسته توکور گوز یاشین آغلور صفیه
اربعینه ولی گلمدی نازلی رقیه
اولدی مدفن اونا گوشۀ ویران حسینیم
.
.
بیر گیجه آغلادی گوز یاشین توکدی عذاره
سسلدی عمه گل ایتگلن بو درده چاره
اکبریم گلمدی تا منی آلسون کناره
ایتدی بو نسگلی باغریمی آلقان حسینیم
.
.
#اربعین #خوندل_تبریزی #ترکی #زبدةالاشعار

متن پیشنهادی:  مقدری که ز آثار صنع کرد اظهار #حیدریه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی