کوچ اسرا از کربلا و قتلگاه
.
✍️ زبدة الاشعار ✍️
?: @nohe_torki
.
دکتر محمدحسین کتابچی (علومی تبریزی)
تضمین یک بیت از پیله وری
.
ائدنده کوچ او صحراده فرقۀ اشرار
ائدوبله ناقه لره آل مصطفانی سوار
گوروب امام که بیر ناقه مضطر و خونبار
تمام ناقه لره بو سوزی ائدور اظهار
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
امام زین العبادی او حجت باری
اونا عیاندی وحوش و طیور گفتاری
گوروب او ناقه ایله گوز یاشین ائدور جاری
تمام ناقه لره هی دیور سیزی تاری
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
زبانحالیله گویا دیور همان ناقه
بو چولده اهل جفا اود ویروبلا آفاقه
حرملرین اوجالور آه و زاری نُه طاقه
خسیندی بو یخلوب ظلم الیله توپراقه
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
سوار ائدوبله بیزه اهل بیت طاهانی
گوزتلیون که یره دوشمسین صبایانی
قالوب یر اوسته امامین او جسم عریانی
ایاقلار آلتدادی خشک اولمیوب هله قانی
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
همان حسیندی بو طاها آلاردی آغوشه
سوار ائدردی پیمبر بو سروری دوشه
همین بو چولده اولار قبر پاکی شش گوشه
گلوب طوافینه زوّاری اخذ ائدر توشه
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
بو قتلگهده گچن گون بیوک قیامت اولوب
اسوب خزان یلی گلزار مصطفایه سولوب
باتوب جوانلاری قانه حرملری سویولوب
توکوبله نیزه قلج مصرع شریفی دولوب
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
شهید ائدوبله حسینی سوسوز بو قوم دنی
نه بیر کناره چکن وار بو گون نه دفن ائدنی
یارالی پیکرینون خار و خس اولوب کفنی
یقین بو نیزه لر آلتیندا گیزلنوب بدنی
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
بو سوز اؤرک یارالور قان ائدور سرشک تری
« علومی » وار بو یانقلی سوزین دیله اثری
پوزار محافل غمده تمام شیعه لری
دیوبدی بو سوزی روح القدس نه « پیله وری »
.
یواش یواش یریون کاروانی ساخلامیون
حسین جنازه سینی گوزلیون ایاخلامیون
.
.
.
#کوچ_کربلا
#یواش_یواش_یریون_کاروانی_ساخلامیون
#ائدنده_کوچ_او_صحراده_فرقه_اشرار
#علومی_تبریزی
#پیله_وری
#ترکی
.
✍️ #زبدةالاشعار ✍️
?: @nohe_torki
نظر دهید