من علی نوکریم …
.
.
جعفری (ذاکر زنجانی)
.
.
ائشیت ای دشمن نادان من علی نوکریم
ائتمشم عالمه اعلان من علی نوکریم
.
.
.
منه صود وردی آنام حامی غیرت ائلدی
آنامین شیری منه کسب فضیلت ائلدی
گیدیریب قاره منیم اگنیمه زینت ائلدی
دیل آچان وقته منیلن بیله صحبت ائلدی
اوجادان سسله اوغول جان من علی نوکریم
.
.
منی مولاکی اوگوندن دره دربان ائلیب
بیله بیر رتبه منی عالمه سلطان ائلیب
عشقه باخ دلبره باخ موری سلیمان ائلیب
آقامین عشقی منی صاحب عنوان ائلیب
سسلرم عشقیله هرآن من علی نوکریم
.
.
.
.
عشق مولاده باخون منصب و هم منزلته
کل دنیانی چکیب عشق علی معدلته
ایلیب حق قدغن عشقینی هربد صفته
ورسه لر هر نه؛ وئرلر اونیدا معرفته
اوجادی پایه عرفان من علی نوکریم
.
.
.
.
دولت عشق علی آدیمه پیرایه وریب
عشقیدی آدی.ولی گوهرپر مایه وریب
یاره لی قلبیمچون همدم وهمسایه وریب
آقام اوز عشقینی بو عاشقه سرمایه وریب
ساتمارام عشقیمی ارزان من علی نوکریم
.
.
.
ادبین درسینی اول ادبا وردی منه
یازماقا الده قلم شعر رسا وردی منه
فاطمه گوزیاشیمی گوردو بها وردی منه
بارک الله بیوروب شور و صفا وردی منه
ایلدی لطف فراوان من علی نوکریم
.
.
.
.
شیعه یم من ؛باشیمی ایممیشم هر گلنه
غملیم وار نه نیازیم گل و باغ و چمنه
آناما قربان اولوم گور نلر اورگتدی منه
ائشت ای مدعی من نوحه خانام پنج تنه
ایلرم روضه نی رضوان من علی نوکریم
.
.
.
دقت ائتسین او کسی کی سوزومه مشتریدی
تانیور گوهری هر کس که اوزی گوهریدی
کل ایران هاموسی فاطمی یا حیدریدی
ترکی یاز ای قلمیم رهبریمز آذریدی
اردبیل، تبریز و زنجان، من علی نوکریم
.
.
.
.
علی و آل علی عشقی شرافتدی منه
بی علی عمر ائلمک موجب ذلتدی منه
آقامین عشقی بلی مظهر عزتدی منه
ایکی دنیاده بو آد بسدی کفایتدی منه
ایلیر دردیمه درمان من علی نوکریم
.
.
.
.
اولاری کی قاپونی چالدیلا من من دئدیلر
قاپونی آچمادیلار من یرینه لن دئدیلر
ادبی ایله رعایت بورا گلسن دئدیلر
من دئدیم.ما.قاپونی آچدیلار احسن دئدیلر
ازبرم درسیمه چوخدان من علی نوکریم
.
.
.
.
کیم علی شیعه سیدی اونداگرک غیرت اولا
باشرف باادب و صاحب شخصیت اولا
دشمن ایستور کی علی شیعه سی بی عفت اولا
منکر حیدره هر ثانیه مین لعنت اولا
لعن بر دشمن قرآن من علی نوکریم
.
.
.
مدعی فکر ائلیور کی علی احبابی ئولر
قانلارین توکسک اگر شیعه نین اربابی ئولر
ضربه ورساخ بولارین سنتی آدابی ئولر
شیعه ئولمز ئولن اولسا گنه وهابی ئولر
منطقیم منطق قرآن من علی نوکریم
.
.
.
«ذاکرم» من دوشه دنیا منیلن هرنه لجه
وار امیدیم گنه من معجزه یا که فرجه
اوخشیور غملری دلده ائله عضو فلجه
زنجانا گئتسه و یا تبریزه یا که کرجه
دئیه جاق با دل سوزان من علی نوکریم
.
.
.
#حیدریه_مدح
#ائشیت_ای_دشمن_نادان_من_علی_نوکریم
#ذاکر_زنجانی #حیدریه
#ترکی
#زبدةالاشعار
نظر دهید