زبدةالاشعار

ایلیوب امام حسن عسکری اورگین آتاسی ملالی قان #الهادی_جعفری_زنجانی

شهادت حضرت امام هادی علیه السلام
.
.
.
حاج علی جعفری زنجانی
.
.
#سبک_بالام_آغلاما_گلوم_آغلاما … ( 7 سبک برای سینه زنی و زنجیر ) … دولانور علی قیزی مقتلی و … بالام آغلاما … باجی دور گئداخ …
.
.
.
ائلیوب امام حسن عسکری
اورگین آتاسی ملالی قان
دوشنوب جنازه سی اوستونه
دئدی ای ستمله شهید اولان
.
.
بابا نیلدون متوکله
قالاسان مدینه ده قویمادی
نه قدر جفا ائلیوب سنه
گینه ئوز جفاسینه دویمادی
نجه من دییوم بو مصائبه
اورگیمی تیر غم اویمادی
وئریلوبدی زهر جفا سنه
ائلیوبدی زهر اثرین عیان
.
.
.
نیه سؤندوروبدیله شمع تک
ستمیله نور امامتی
بزییوبله کاخ ستملری
داغیدوبلا بیت ولایتی
کیم ائدوبدی غصب خلافتی
بیزه وئردی شهد شهادتی
هم ائدوبدی ظلمینی آشکار
هم عدالتی ائلیوب نهان
.
.
.
بو بلالی باشیوی ایستورم
من ئوزوم آلام دیزیم اوستونه
ئوزوم اوخشیوب ئوزوم آغلیام
اوجادان نوا ائلیم سنه
ائشیدن بیلیب گوره دشمنین
بو زمانه ده نئلیوب منه
منه غم شریکی اولوب بوگون
یغیشوبدی باشیمه شیعیان
.
.
.
یری وار بو تعزیه ده ملک
دیه نوحه سینه ئوزوم ویرام
دییم ای ستمله شهیداولان
سنه یاخشی بزم عزا قورام
یاسا کیم گلیر گلوب اگلشه
من ئوزوم گرک قاپودا دورام
دوتا هر امامه امام عزا
گلر اول مجالسه قدسیان
.
.
.
سنی من یووب کفن ایلدیم
بدنینده کی یوخیدی یاران
بو ملالیلن اونا دلخوشام
گون ائوینده قویمامیشام قالان
گون ائوینده ساخلار امامینی
سو حسین مزارینه باغلیان
یتیشوبسن ایندی شهادته
هله یوخدی بیزدن اسیر اولان
.
.
.
نیه ظلمیلن ائلیوب شهید
امرا بیز آلِ پیمبری
حسن بن فاطمه نین اول
توکولوبدی طشته جگرلری
بیری کسدی دالدان حسین باشین
بیری ووردی سجده ده حیدری
بیری اولدی حضرت فاطمه
قاپوسینی ظلمیله یاندیران
.
.
.
گئدوسن مدینیه«جعفری»
بو سوزون آپار دالین اوردا یاز
نچه گون مسافرت ایلوسن
گوزل عمریدی ائله سوز و ساز
گهی اول یانان قاپودا دایان
گهی اول بقیعیده قیل نماز
گلسن گوله گوله محشره
نه قدر بقیعیده آغلاسان
.
.
.
.
#الهادی_شهادت
#ائلیوب_امام_حسن_عسکری
#جعفری_زنجانی
#ترکی
#زبدةالاشعار

متن پیشنهادی:  مهدی ای کشتی عشقین ناخداسی هارداسان #مهدیه_ابوالفضل_توتونچی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی