سیرتی انسان اولان انسانی ناشاد ایستمز

ایستمز …
.
✍️ زبدة الاشعار ✍️

?: @nohe_torki
.
عباس عبدی اردبیلی
.
سیرتی انسان اولان انسانی ناشاد ایستمز
کیمده وجدان اولسا تک اؤز کؤنلونی شاد ایستمز
.
مصلحت وقتینده وجدانین ساتان نامرد اولار
بؤیله بیر نامرددن، مرد اؤلسه امداد ایستمز
.
گل وفاسیز آشنالردن کؤنول ایله حذر
بی وفا یار ایستیَن ظلمی سنه یاد ایستمز
.
نطفه دن پاک اولسا کیم گولمز آخان گؤز یاشلارا
چونکی اؤز هم نوعین آغلار، آدمیزاد ایستمز
.
چشمه نی دولدورماق اولماز جوشماسا دیبدن سویی
جهلیده عؤمرون سورَن غافل لر ارشاد ایستمز
.
عشقیلن، احساسی اؤلموش اؤلکه نین گولمز اوزو
عشقی اؤلموش خلق‌ دن داغ داشدا فرهاد ایستمز
.
نوعروسِ عشوه گر دنیایه، آلدانما کؤنول
آلدانیب عارف اؤزون بو دهره داماد ایستمز
.
قالمیشام حیرت ده ای دلبر ندن عاشقلرون
جان وئرر امّا اؤزون عشقوندن آزاد ایستمز
.
منده صیدم زولفووه سالدون ندن گؤزدن منی
بیر جفا ائتدون کی هیچ بیر صیده، صیاد ایستمز
.
بیلمییب، بیلمز، جهاندا لذّت آزادلیقی
بند ذلّت دن اؤزون هر بنده آزاد ایستمز
.
شاعر اولماز «عبدیا» دنیایه شاعیر گلمه ‌ین
طبع ‌دن سرشار اولان شعرین ده اوستاد ایستمز
.
#پندیات
#سیرتی_انسان_اولان_انسانی_ناشاد_ایستمز
#عبدی_اردبیلی
#ترکی
.
✍️ #زبدةالاشعار ✍️

?: @nohe_torki