اتورمشام باشون اوستونده قالمشام حیران جان اباالفضلیم #عباسیه_سیفی_اردبیلی

زبانحال امام حسین (ع) در بالین قمر بنی هاشم (ع)
..
..
#سبک_شبانگاهان
..
..
سیفی اردبیلی
..
..
اتورمشام باشون اوستونده قالمشام حیران جان اباالفضلیم
غمون دیلده اللریم بلده اولموشام گریان جان اباالفضلیم
علمدار لشگریم قارداش
ائلیم قارداش یاوریم قارداش
جان اباالفضلیم جان اباالفضلیم
..
..
..
سسون آلدیم دردوی بیلدیم تلّیدن اندیم گلدیم امداده
یقین ایتدیم کشتی عمرون آز قالور باتسون قانلی دریاده
یول اوستونده اللرون گوردوم قلبیمی گتدی غصّه لر داده
گوتوردوم ئوپدوم کسوک الدن اولدی باغریم قان جان اباالفضلیم
علمدار لشگریم قارداش
ائلیم قارداش یاوریم قارداش
جان اباالفضلیم جان اباالفضلیم
..
..
..
شهادتده باغلادون احسن حقّه خاطر سن قانلی احرامى
دوتوب گرد محنت و ماتم روی اطفالی جمله اخیامی
رقیّم آغلار دیر تزتز گل عمو یاندیم الده سو جامی
سنی گوزلر لبلری عطشان بیر سوری جیران جان ابالفضلیم
علمدار لشگریم …
..
..
..
عقابوندن سن یره دوشدون سندی جام امّید و آمالیم
بو دوغرانمش جسموی گوردوم آخ دیدیم یاندیم دوندی احوالیم
گوزل سرویم ظلم اعدادن نه الون قالدی نه گوزون سالم
اویان باری بیر دانش منلن ای مه تابان جان اباالفضلیم
علمدار لشگریم …
..
..
..
فرات اوسته دوغرانان پیکر بیر همای بی شهپره بنذر
سینونده سایسیز یارون عیناً آی کنارینده اختره بنذر
سنوبدی باشون عمود آلتدا اولموسان باشدان حیدره بنذر
قوی پیکر روی زیباده قالمیوب میزان جان اباالفضلیم
علمدار لشگریم …
..
..
..
خطر ایتدى روح وَالشَّمسه سورۀ وحدت آیه سیز قالدى
الیم بازار تولّاده خالی اولدی سرمایه سیز قالدی
سرِ طفلان پریشانیم غملی چوللرده سایه سیز قالدی
دوشر سنسیز عترت حیدر چوللره ویلان جان اباالفضلیم
علمدار لشگریم …
..
..
..
چکر شعله هر سنه باخسام آتش آه و نسگلیم قارداش
اوتانما گفتار ایله منلن دردوی دیلده من بیلیم قارداش
دیزیم اوسته باشوی ساخلا قانوی گوزدن قوی سیلیم قارداش
باخیم بیرده گوز گوزه سنلن دوشمه میش هجران جان اباالفضلیم
علمدار لشگریم …
..
..
..
خیال ایتمه مشکون اوخلاندی گیتدی سو الدن اولما شرمنده
من آگاهم کوی عشقونده وار نه اندازه معرفت سنده
بو عشقه بو روح ایمانه قارداشیم جانی عاشقم منده
او قان دولان گوزلره اولسون گوزلریم قربان جان اباالفضلیم
علمدار لشگریم …
..
..
..
..
نه شیریندور لحظه هجران دل ویروب آلماق یاریدن یاره
ئوپوم قوی بیر قانلی آلنوندان دردیمه یوخدور آیری بیر چاره
بلیم سندی داغ دردوندن خیمه ده قالدی زینب آواره
شهید اولدون سو کنارینده لبلری عطشان جان اباالفضلیم
علمدار لشگریم …
..
..
..
سنی اخیامه آپارماقدا دیلده آلام و مشکلوم چوخدی
وجودون باشدان باشا یکسر زخم خنجردی نیزه دور اوخدی
سنی بوکسم گر عبا ایچره من تکم قارداش یاوریم یوخدی
یانور قلبیم قالمشام تنها الده یوخ امکان جان اباالفضلیم
علمدار لشگریم …
..
..
..
گورر دشمن یالقوزام ایندی باشون اوستونده کام آلور مندن
شماتتله طاقت و صبری فرقۀ خون آشام آلور مندن
کسوک قوللاردان آخور قانون لحظه لحظه آرام آلور مندن
نجه سنی تک قویوم بوردا من گیدوم الان جان اباالفضلیم
علمدار لشگریم …
..
..
..
#عباسیه #سیفی_اردبیلی #عباسیه_شهادت #ترکی #زبدةالاشعار