یا مهدی
.
زبدة الاشعار
?: @nohe_torki
.
مجید قلعه بیگی (فقیر خوئی)
.
اذن وئرسن سوگیلی دلبر،غلام اوللام سنه
تا ابد ای عشق پیغمبر غلام اوللام سنه
.
اول سر زولفون کیمی حالیم پریشاندور منیم
آغلاماقدان قان اولور گوزلر،غلام اوللام سنه
.
بولمورم اول حلقهٔ زلف سیاهونده نه وار
آولموشام آوارهٔ چوللر، غلام اوللام سنه
.
گل منی یاندیرما هجران آتشینده رحم ائله
بیر نظر اییله گُل حیدر، غلام اوللام سنه
.
کیم سنه یوسف دئسه حقّونده انصاف ائتمیوب
یوسف کنعان اوزی سویلر غلام اوللام سنه
.
یوسفه بیر عمر یعقوب آغلادی یابن الحسن
آغلوری شیعه سنه یکسر، غلام اوللام سنه
.
چوخ دولاندوم عالمی سندن وفالی گورمه دیم
آند اولا زهرایه تا محشر، غلام اوللام سنه
.
بیر باخیش باخسان گوز آلتی ای عزیز فاطمه
گور منه اول بیر باخیش نیلر؟ غلام اوللام سنه
.
لبده کی خالین هارا، اول کعبه نین داشی هارا
حاجیم دگسه اورا لبلر، غلام اوللام سنه
.
اولماسا لائق « #فقیر» اؤپسون لب شاهنشهی
جایِ پایی آرزو ایلر غلام اوللام سنه
.
#مهدیه
#اذن_وئرسن_سوگیلی_دلبر_غلام_اوللام_سنه
#فقیر_خوئی
#ترکی
.
#زبدةالاشعار
?: @nohe_torki
: @nohe_torki . سیفی اردبیلی . آیریلوب حسین منادن دشت کربلایه گلدی خیمه لر قورولدی یرده قدسیان نوایه گلدی . . عشقیده اولار که تاپدی نشئه بادۂ ولادن الده نقد جان یوموبلار گوز بو عالمبیشتر
نظر دهید