پندیات
–
✍️ زبدة الاشعار ✍️
?: @nohe_torki
–
مژده اردبیلی
–
منیم که ای دل غافل منیتدن خوشوم گلمز
غلط سوزدور دئسم اصل حقیقتدن خوشوم گلمز
–
اگرچه بئش گون عالمده کذایی اعتباریم وار
یقین که پادشاه اولسام رعیتدن خوشوم گلمز
–
دیوللر بزم عرفاندامقدس بیرمقامیم وار
مقام عشقه آنداولسون بوصحبتدن خوشوم گلمز
–
سوزوم یوخ شاعرم اما شعوریم وارشعوراوسته
نئجه قیدایلیوم من که شریعتدن خوشوم گلمز
–
رهین دولت عشقم بش اون گون دهرفانیده
بحق که روح تدلیس و دوییتدن خوشوم گلمز
–
اَسوب بادخزان عمروم گئدوب یغمایه الحاصل
غریب و بیکسم درد و مصیبتدن؟ خوشوم گلمز
–
پریشان خاطریم واردیر غم جانسوز هجراندان
نوای عندلیب باغ غربتدن خوشوم گلمز
–
محبت باغبانیدن کئچن گون بیر سؤال ائتدیم
ندور علت که مهد بربریتدن خوشوم گلمز
–
دئدی آنداولسون احساس لطیف اهل ایمانه
منیمده خارگلزار طبیعتدن خوشوم گلمز
–
نهال باغ و بستانیم بئش اون گوندور ثمر ویرمیر
دیوم سوز پرده لی قالسین بونعمتدن خوشوم گلمز
–
ریایی زاهداولماقدان قدح نوش اولماقیم خوشدیر
اگرچه ساقی بدذات و طینتدن خوشوم گلمز
–
مُحبّ آل طاهایم رهین دولت مهدی
فنایئرده بیر آیرى دین و دولتدن خوشوم گلمز
–
اوجالدار عرش اعلایه مقدس پرچم عشقی
جهاندا چون منیم بیرآیری رایتدن خوشوم گلمز
اولونجه منتظر قاللام عبادتدن حساب اولسون
بویولدا آیری بیر افکار و نیتدن خوشوم گلمز
–
اوجالداربانک تکبیرین جهان عشق و ایماندا
دییر دنیاده کی رسم و طریقتدن خوشوم گلمز
–
کذایی یا اباصالح دیین اهل طریقتدن
بحکم حضرت باقی بوملّتدن خوشوم گلمز
–
پیمبرسیرتم روح رسول اللهه آنداولسون
فنا فى الله عشقم اوزگه سیرتدن خوشوم گلمز
–
حسینی مسلکم هوحق شعار جاودانیمدور
جهاندا آیری بیر منشور و نهضتدن خوشوم گلمز
–
حسین ابن علی جدّیم کی نفرت تاپدی ذلّتدن
مسلم دیر منیمده ظلم و ذلّتدن خوشون گلمز
–
حسینین قانینی آللام حسینی اولدورنلردن
جهان معرفت بیلسین که نخوتدن خوشوم گلمز
–
حسینین رأس مذبوحین آپاردی شمر بد منظر
بی بیم زینب دئدی ظالم بوخصلتدن خوشوم گلمز
–
آپارما ظالم بی دین کسوک باشدان نه ایستورسن
سنون تک دشمن بدذات و فطرتدن خوشوم گلمز
–
آلارکی (مژده)ی وصلت بیزه نوحه یازان شاعر
دییرکی عالم فانیده شهرتدن خوشوم گلمز
–
#پندیات
#منیم_که_ای_دل_غافل_منیتدن_خوشوم_گلمز
#مژده_اردبیلی
#ترکی
–
✍️ #زبدةالاشعار ✍️
?: @nohe_torki
نظر دهید