زبدةالاشعار

اذن وئر عصرون امامی ایلسون یا رب ظهور #مهدیه_کاتب_اردبیلی

یا مهدی

✍️زبدة الاشعار✍️
?: @nohe_torki

مرحوم میرزا محمد صادق کاتب اردبیلی

اذن وئر عصرون امامی ایلسون یا رب ظهور
قویماسون فسق و فساد اهلی اولا مست غرور

امری اسلام اهلینون خیلی دوشوبدور مشکله
ورطۀ غمده قالوب مشکل چخا بیر ساحله
هر طرفدن ایلیوب مین خار احاطه بیر گوله
قالمشوق غرقاب محنتده اوزون امداد ائله

آز قالوب شرع نبی نی ایلسونلر پایمال
یوخلامازلار اکثری خلقون حرامیله حلال
بعضی لر مشغولیدی جمع ائتمگه جاه و جلال
بعضی لر لهو لعبله گون کئچوردور ماه و سال

متن پیشنهادی:  یتیشوب دوداقه جانیم ئولورم جواد اوغول گل #رضویه_احمدیان_خسروشاهی

ایشلری خلقون اولوبدور محض تزویر و ریا
اقربادن قطع ارحام ایلیوبلر اغنیا
مال ایتامی ییر بعضیسی بی چون و چرا
رحم قیلمازلار اولا هر کس فقیر و بینوا

بعضیلر خلقون مساکندن کسوب احسانینی
جیفۀ دنیایه بعضی لر ساتار ایمانینی
چوخلاری واردور دانار محشر گونون دیوانینی
اجتنابی یوخدی ظاهرده ائدر عصیانینی

فتنه حدّیندن کئچوبدور ظلمیله دولموش جهان
یوخ بیزه امداد ائدن ای خالق کون و مکان
وقتدور گلسون ظهوره اول امام انس و جان
یر یوزونده ایلسون دشمنلره حشری عیان

رحم قیل مخلوقیوه سن ای کریم کار ساز
اهل اسلام آز قالوب اولسون جهاندا ترکتاز
وئر اجازه تئز گله اوُل سرور ملک حجاز
شیعه لر قویسون ایاقینه اونون روی نیاز

متن پیشنهادی:  گل ایدوبدی بوسومشگین #عباسیه_عدلی_تبریزی

خلقچون بیجا یره عادت اولوب لاف گزاف
ایلیوب اعدای دین روی زمینی اختلاف
وئر اؤزون رخصت ائده تا ذوالفقارین بی غلاف
متظرلر ایلیه اوُل شه رکابینده مصاف

منتقم گلسون اؤزی اعدادن آلسون انتقام
ایلسون سفیانیانی یر یوزونده قتل عام
قویماسون یرده قالا خون امام تشنه کام
دشمنان دینیدن آفاقی پاک ائتسون تمام

آلسون اعدادن اؤزی شهزاده اکبر قانینی
کربلا سقّاسی عباس هنرور قانینی
اوخلانان قونداقیده لب تشنه اصغر قانینی
سو کیمی جاری اولان اولاد حیدر قانینی

متن پیشنهادی:  من بر فلک امامم من بر ملک شهودم #باقریه_محمود_ژولیده

«کاتبا» درگاه حقّه ایله دائم التجا
تئزلیگیله ظاهر اولسون اوُل شه مشکل گشا
ایلسون احبابینون قلبینده کی درده دوا
دلده ایله ازبرون بو فردی هر صبح و مسا

#سبک_زینبم_جان_اوستیم ( 4 سبک )
( سبک های مشابه : یه سوال دارم مگر ما دل نداریم ای خدا … اذن ویر یا رب گله مهدی امید هل اتی … مولا ، آقا ، عجل علی ظهورک … )

#مهدیه
#اذن_وئر_عصرون_امامی_ایلسون_یا_رب_ظهور
#کاتب_اردبیلی
#ترکی

✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی