اربعین
.
✍️ زبدة الاشعار ✍️
?: @nohe_torki
.
حاج نادر بابایی
.
اربعینه یا حسین
خسته جان گتورمیشم
کربلایه غملی بیر
کاروان گتورمیشم
.
قسمت اولدی بیرده من غم دیارینه گلم
قانلی کوینگون اخا ائتمیشم بو گون علم
ایستورم حسین اونی قبرووه ئوزوم سرم
یورقون اهل عیالووی باغریقان گتورمیشم
.
عطرووی یایوبدی بو کربلایه گل بدن
اول بدن که گورمدی دفن اولاندا بیر کفن
سن سیز ای ننم گلی زینبون قالوب ندن
قامت خمیده نی چون کمان گتورمیشم
.
لاله زار ائدوبدی بو چوللری بو لشگرون
یوز قویوب حریمووه پای پاده اکبرون
سینووه مدال اولوب شیرخواره اصغرون
من اونا ربابینی نوحه خوان گتورمیشم
.
تربتون شفادی چون ،سینووه باجون یاخار
سنده کی جراحته لیک تربتون باخار
مرهم اولسا گوز یاشیم یارووه آخارآخار
قبرون اوسته آق ساچی سایه بان گتورمیشم
.
آخرین وداعووین داغی سینه داغلادی
دهر دون اوگون منه راه چاره باغلادی
باخدیلار سنه منه ،گویده قوشلار آغلادی
غملی خاطراتیدن داستان گتورمیشم
.
واردی بو آخار سووا قلبیمون گلایه سی
نهر علقمه دوشوب لشگرین طلایه سی
ساحلینده تشنه لب یاتدی غیرت آیه سی
پاره پاره مشکیدن چوخ بیان گتورمیشم
.
قوی دیوم رقیه دن ،روزگاریدن دویوب
جامه ی حیاتینی بیر گجه اجل سویوب
گوشه ی خرابه ده تپراقا یوزون قویوب
شامیدن بو حسرتی بیر نشان گتورمیشم
.
#سبک_مسلمون_شهادتی ( 5 سبک برای سینه زنی و زنجیر)
.
#اربعین
#اربعینه_یا_حسین_خسته_جان_گتورمیشم
#نادربابایی
#ترکی
.
✍️ #زبدةالاشعار ✍️
?: @nohe_torki
نظر دهید