ماه محرم
.
✍️ #زبدةالاشعار ✍️
.
🆔: @nohe_torki
.
مرحوم مظلوم تبریزی
.
یانسون او قلبلر که بو ماتمده یانمادی
لازم دگل او گوزاشک توکوب آغلیانمادی
.
لال اولسون اول دلیکه حسینین عزاسینه
گلدی او شاه تشنه لبی اوخشیانمادی
.
شل اولسون اول الیکه دئدی نوحه ، نوحه خوان
کبر و غیورایلدی سینه وورانمادی
.
امّت یولوندا وئردی باشین شاه مشرقین
وای اول امّته که عزاسین دوتانمادی
.
تا حشر اولونجا شیعه نی بو غصّه یاندورور
زینب حسین ئولنده گوزین باغلیانمادی
.
خنجرقویاندا حنجرینه شمربی حیا
کلثوم باشی استه گلوب آغلیانمادی
.
خون گلوی اصغرشیرین زبان تک
آخدی فرات تشنه لیقی هیچ اینانمادی
.
گتدی او طفلی سو آلا سلطان کربلا
پیکانیله سو وئردی عدو چون اوتانمادی
.
ایتدی نشانه حرمله چون حلق پاکینی
تیر جفانی گورنجه اول دم دایانمادی
.
دوتدی او قانی آتدی گویه سرور حجاز
بولمم او قانیله نیه گویلر بویانمادی
.
چوخ ظلم چرخ ایلدی آلعبا اوچون
لعنت بو روزگاره جفادن اوسانمادی
.
غرق اولدی بحراشک بصر ایچره روز و شب
«مظلوم» شرح محنت و دردین یازانمادی
.
.
#ورود_محرم #مظلوم_تبریزی
#یانسون_او_قلبلر_که_بو_ماتمده_یانمادی
#ترکی
.
✍️ #زبدةالاشعار ✍️
.
🆔: @nohe_torki
نظر دهید