زبدةالاشعار

اسوه ی عشق ووفا ، مرحبا ام البنین #حضرت_ام_البنین_علیرضا_عباسی

مرحبا ام البنین (س)
.
✍️ #زبدةالاشعار ✍️
.
🆔: @nohe_torki
.
احسان تبریزی
.
اسوه ی عشق ووفا ، مرحبا ام البنین
سّرعشقه آشنا ، مرحبا ام البنین
معدن سلم و رضا، مرحبا ام البنین
ای آدی مشگل گشا، مرحبا ام البنین
دردلره سن سن دوا مرحبا ام البنین
.
.
کیمدی کی سن تک خانم، حقیدن عزت آلا
حقه خاطر بسلدین، عشقیله سن دورت بالا
یولادون قربانگهه دوردی باهم ذبح اولا
قانلاریلا دین حق تا که جاویدان قالا
دورد شهیده سن آنا مرحبا ام البنین
.
.
علتی واردی سنی، همسر ائتدی بوتراب
مفتخر بو وصلته اولدی تا آل کلاب
شیر دل اوغلانلارا، مادر اولدون انتخاب
کربلا میدانینین فکرین ائتدی بوتراب
همسر شیر خدا مرحبا ام البنین
.
.
سن اوبانو سن خدا، بذل ائدیب جاه وجلال
لوح حقده ثبت اولوب، عزتین یوخدی زوال
دینه قربان ایلدین، دورد اوغول زیبا جمال
شیر مردان جدل، تک تکی حیدر خصال
دورد ابر مرد اوغلوا، مرحبا ام البنین
.
.
ذاتی پاک اولسا کیمین، طیب الانفاس اولار
پاک اولا هر بیر آنا، قلبی پر احساس اولار
ائوده اوز اولادینه روز وشب حساس اولار
بیر آنا سنتک اولا اوغلیدا عباس اولار
مام شیران غزا مرحبا ام البنین
.
.
شیعه نین عباسیوه، دیلده چوخ احساسی وار
عبد صالحدی بالان همت والاسی وار
اوغلوون بو دهریده مثلی نه همتاسی وار
فخر ائله سندن صورا گور کیمین عباسی وار
ورد ائدیب اهل ولا، مرحبا ام البنین
.
.
عالم عاشقدی سنین دلربا عباسیوه
دردینی عالم دیر با وفا عباسیوه
کربلاده ووردیلار چوخ یارا عباسیوه
تا ائشیتدین یوز وئریب هر بلا عباسیوه
اولمادون سن نارضا ، مرحبا ام البنین
.
.
ائتدی عباسین اوگون خدمت عالی مکتبه
نهریدن چخدی سوسوز دوشدی چوخ تاب وتبه
ایچمه سه اصغر دئدی ، وورمارام هرگز لبه
چاتسا مشکیم خیمیه، هدیه وئرم زینبه
سویلیه زینب آنا، مرحبا ام البنین
.
.
#حضرت_ام_البنین_علیرضا_عباسی
#اسوه_عشق_و_وفا_مرحبا_ام_البنین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قد سروی خمیده ، یارالی آنام ایوای #فاطمیه_سعدی_زمان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی