زبدةالاشعار

بیر چاره قیل، ای عمه، من ئولسم کفن اولماز #حضرت_رقیه_سیدعظیم_شیروانی

زبانحال حضرت رقیه (س)
.
✍️ #زبدةالاشعار ✍️
.
🆔: @nohe_torki
.
سید عظیم شیروانی
.
بیر چاره قیل، ای عمه، من ئولسم کفن اولماز
تابوت و حنوتوم گؤتوروب دفن ائدن اولماز
.
.
غسّالیمه من اؤلسم اگر کیم خبر ائیلر؟
قرآن کیم اوخور، قبریمین اوسته گذر ائیلر؟
آخر کی، یتیمم، منه بو، چوخ اثر ائیلر
قارداشیم ئؤلوب، باشیمین اوستون کسن اولماز
.
.
بو شامیده هئچ من کیمی بیر آج یاتان وار؟
خاک اوسته قارانلیقدا قورو یئرده قالان وار؟
سن شمره دئ آچسین قولومو، منده نه جان وار؟
هر نوع اسیر اولسا، قولوندا رسن اولماز
.
.
بوندان سورا هر قدر کی، دنیاده یم، عمه
هجرین اودونا یانماغا آماده یم، عمه
هرچند یتیمم، یئنه شاه زاده یم، عمه
شاه زاده بالاسینا خرابه وطن اولماز
.
.
بو شمر قویاندا منی قارداشیما حسرت
رؤیادا داخی اولمامیشام لحظه ای راحت
کول باشیما اولسون، منه دنیاده نه لذّت
قارداش دئین وقتده بیر جان دئین اولماز
.
.
ظلم ایله ائدن واختدا بیزی مجلسه عازیم
باغلاندی قولوم، اولمادی بیر اکبره ناظیم
زنجیر من بی کسه، قارداش نه لازیم؟
هجرینده منیمتک بئله ذیلت چکن اولماز
.
.
گؤردو بو گؤزوم اکبری بی حاییل و پرده
کسدیله باشین، سالدیلا جسمین قورو یئرده
جلاد سویان واختدا دئییردی کی، بشرده
من گؤرمه میشم، بیر بئله سیمین بدن اولماز
.
.
گؤردوم کی، نه نوع ایله یزید شقی ملعون
ائتدی بابامین لعل لبین چوبیله پرخون
دؤندردی، منیم گؤز یاشیمی ائیلدی جیحون
ووردوقجا دئییردی بئله شکّرشکن اولماز
.
.
چون گؤردو محاسینی اولوب قانینا غلطان
اؤز جاه جلالینی قیلیب خالقا نمایان
طعنیله دئییردی کی، اویان، شاه شهیدان
بو رنگده باالله، عقیق یمن اولماز
.
.
هرچند داشیب، سیّد بیچاره، گناهین
تأثیر ائله ییب جمله هامی خلق اوچون آهین
خوف ائیلمه، محشر گونو آخیردا پناهین
بیر کیمسنه غیر از شه گلگون کفن اولماز

متن پیشنهادی:  او بلبلم که جهاندا چمنسیزم زهرا #فاطمیه_شمس_شاب_تبریزی

.
.
#حضرت_رقیه_سیدعظیم_شیروانی
#حضرت_رقیه_شهادت
#بیر_چاره_قیل_ای_عمه_من_ئولسم_کفن_اولماز
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی