اشرف خلق خداوند جهان طاهادی #عباسیه_معزی_اردبیلی

شهادت جعفر طیار علمدار احمد مختار (ص)
شهادت حضرت ابوالفضل (ع) علمدار کربلا
.  
#زبدةالاشعار  
.  
: @nohe_torki  
.
مرحوم معزی اردبیلی
.
اشرف خلق خداوند جهان طاهادی
انبیاده هامودان مرتبه ده اعلادی
.
دین اسلامون عطوفتله قویوب بنیانین
یتوروب اوج کماله بشری ارشادی
.
ویردی آزاده لرین پرورشین مکتبده
قصر ظلّامه وروبلار علم آزادی
.
انتخاب ایلدی لشگرده نچه پرچمدار
بیری چوخ ارشدیدی جعفر طیّار آدی
.
با وفائیدی عم اوغلیدی رسول اللهه
عربستاندا نمونیدی قد شمشادی
.
جنگ موته قاباقا هشتم هجریده گلوب
باشدا اوچ مین نفر اولمیشدی قوی افرادی
.
ئوزیده لشگریده جنگی سلاحه بورونوب
وار خبر یوز مینیدی فوج عدو تعدادی
.
صفلره جعفر آچوب پنجه سینی شیر کیمی
بیر بیری اوسته یخوب دشمن بد بنیادی
.
ئیلدریم تک گورونوب حربه سینون شعشعه سی
زبده سر کرده ایدوب حمله سینی غوغادی
.
ایتدی فرمانده اعدا سپه کفری بسیج
گوردی اسلامون علمدارینی مستثنادی
.
خنجر اندیردی بیری صاق قولینی ایتدی قلم
لشگر کینه سالوب هلهله سین بلوادی
.
بیر ستمگرده وروب أولدی قلم صول قولیدا
دیدیلر جعفره پر سیز دولانان عنقادی
.
بیر آغیر یاره وروبلار کمریندن یخلوب
قتلگاهینده الیندن گیدوب استعدادی
.
یازمیوبلار باشینون کاسه سینون سنماقینی
دیمیوبلر اولوب اون یدّی نفر جلّادی
.
یازمیوبلار گوزینه اوخ ورولوب یاره لنوب
گرک اولسون شعرانون سوزونون استادی
.
سسلدی باشینون اوسته باشینون صاحبینی
دیدی گل جعفروین عرشه چخوب فریادی
.
دادینه گلدی پیمبر دیمدی سندی بیلیم
گوزلری دولدی سرشگیله عجب دنیادی
.
بویوروبدور ایکی شهپر سنه جنتده گلر
خوش سنون حالیووه اعطای حق یکتادی
.
ای قلم همت ایله موته نبردین یازدون
جعفره پیک شهادت گتیروبدور شادی
.
گنه ده دفتره یاز کرببلا جنگیندن
غم جانسوزی اورکلرده غم عظمادی
.
باشلادی نهضت خونباری حسین بن علی
یر یوزینده قرا تا رشتۀ استبدادی
.
خاتم مرسل ئوپن گوزلر علمدار گزوب
ساخلیا پرچم اباالفضلی گوروب زیبادی
.
پاک انسائدی بیلوردی آنادان دوز صود اموب
گتیرر حرمتینی آینۀ تقوادی
.
ویردی شاه شهدا پرچمی عبّاس الینه
دیدی غبطه آپاران منصبووه موسادی
.
کشور عشق منیمدور گوزلیم قدریوی بیل
نقدر پرچم اسور، پرچم دین اولادی
.
کیم دوتوب الده دولاندیرسا شرفلندیره جک
سنی لایق بیلورم معرفتون دریادی
.
ایکی قول ویرسون ایکی پر سنه الله ویره جک
گزوسن جنّت الأعلاده گوزل أهدادی
.
گل کیمی چهرۀ عبّاس اولوبدور خندان
عرض ایدوبدور آقام الله نه گوزل مولادی
.
ما و من یوخ آرامیزدا منه فرمایش ایدور
واقعاً حقّیدی کی نُه فلکه، آقادی
.
خم اولوب پرچم آلا ئوپدی حسینون الیمی
اللروندن دیدی معناده اؤپن عیسادی
.
چوخ اوتاندورما مقدس قاپووین نوکریم
آند ویرّم سنه بسترده یاتان سجّادی
.
ناقصم عشقیده حفظ ایلمسم پرچمووی
قیمتی جاندی گر عبّاسه گوزل سودادی
.
دهم ماه عزا صبح شهادت آچیلوب
یعنی یاران حسینه او گون عاشورادی
.
اولدی عبّاس قمر چهره غرض مرد عمل
مرتضائیدی ز بس زندگیده استادی
.
نهره ووردی علمین وورمادی دیل ذره سووا
گور نجه عالم عشقنده ملک سیمادی
.
دیدی قیزلار یولوما گوز تیکوب حاشا سو ایچم
قوی دیسونلر منه عبّاس سوسوز سقادی
.
مشگی پر آب ایلیوب سالدى نیستانه یولون
سویی بیر تیریله یرده جالادان اعدادی
.
صاق قولی اولدى قلم پرچمی ویردی صول اله
آل هاشم بلی هم ماهر و هم دانادى
.
دوشدی تپراقه بدندن ایلکه صول قولیدا
سینه ده پرچم خونین ولی پابرچادی
.
ظلمه باخ یابن الحسن قالمادی سالم گوزیده
یوخ قولی اوخ وورانی دوره ده بی پروادی
.
گورمدی آهن عمودی باشینا اندیرنی
ظالمون پیشه سی هم ظلمیدی هم ایذادی
.
باشینون قانی اولوب جاری منوّر یوزینه
دامیده صیدی گوروبدور سوؤنوب صیادی
.
پرچمی لنگر ایدوب صاق و صولا عبّاسون
دیدی ای پرچم اسلام غمیم دریادی
.
أسمه سرعتله یارام چوخدی قولوم یوخدی منیم
تکیه گاهون یارالاردان یورولان اعضادی
.
ویردیم امضا آقاما من سنی تحویل ویرم
آری آری، شرفیم، منزلتیم، امضادی
.
قویمشام عالی حضوریندا گرو غیرتیمی
اولمیوب زندہ گیده منطقیمون ایرادی
.
آستانینده ایدوب نوکرینی پرچمدار
اولیا مفخریدی سوزلری پر معنادی
.
قوی گله مقدمینه من یخلوم سنده یخل
تند أسوب سینمی ترک ایلمگون بیجادی
.
مرتضانون یارالی اوغلی سنه حاملدی
مسکنیم فوج فرومایه گزن مأوادی
.
ایستدی تپراقا عبّاس دوشه مرکبدن
گوردی بیر فاضله و طاهره دن امدادی
.
سسلنوب سینمه گل اوغلومون ای سرداری
گله بیلمز هله محنتده حسین تنهادی
.
سنده أوغلومسان اوغول سسله گله قارداشیووی
دیور عبّاسیم الهی منه دل آرادی
.
ای اولان قدّ رساسی هامی قامتدن اوجا
گورممیشدیم بویووی قدّون عجب رعنادی
.
صبحیدن هر کیم آتندان یخلور من یانورام
کربلا دشتی منه غم گتیرن صحرادی
.
جنّتون عطرین آلوب سینۀ پر مهریندن
بیلدی عبّاس گلن داده خانم زهرادی
.
دیدی سالدون منی یاده ایوون آباد اولسون
بیر طرفدن منه بو منظره غم افرادی
.
یارا دگمیدی منیم کاش بوگون صاق گوزومه
یوزووی گورمکه البته سوزوم ایمادی
.
گورمورم سیلی گوگردن یوزووی حیف اولسون
عالم فکریده غم بزمی منه برپادی
.
گر الون گلسه گتور قانینی سیل صول گوزومون
قارداشیمدان صورا من ایسترم استمدادی
.
محضر یاریده ذرّه دگلم شرمنده
بیر گوزوم گتدی ولی دین مبین احیادی
.
قولومون اولماماقی دشمنیمی ایتدی جری
گوردی باشیمده ایشین اسلحۀ فولادی
.
خیمه ده قیزلارا سو قولی ویرن سقّایم
تیکمه سین گوز یولا شاه شهدا اولادی
.
بیرده آت پرچمه ال دوز قالا سینمده بوگون
حقّیله باطل آراسیندا بیوک دعوادی
.
ئولورم قارداشیما خیمه ده باش ساغلیقی ویر
عشق میقاتینی گر آلسا خبر عقبادی
.
عمل خیری «معزی» ئوزیووه واجب ایله
اولماسا کیمده عمل روز جزا رسوادی
.
.
#عباسیه_معزی_اردبیلی
#عباسیه_شهادت
#اشرف_خلق_خداوند_جهان_طاهادی
#ترکی
.  
#زبدةالاشعار  
.  
: @nohe_torki