وداع
.
✍️ زبدة الاشعار ✍️
?: @nohe_torki
.
مرحوم خادم عطار
.
سبک: جامۀ عشقوی… مطهری ….. هر گوزلدن حسین سن گوزل سن … کاروان رفت منزل به منزل
.
.
ای اولان زینبین دادخواهی
سنسن عالمده امید گاهی
سن گیدورسن بو بیکس عیالون
یوخدی بیرکیمسه پشت و پناهی
.
.
خیمه دن ایلینده تجلی
اولدی مجنون بو غمخواره لیلی
گل اونا خیمده ویر تسلی
لطف اوزیله ایله بیر نگاهی
.
.
جمع قیل بو پریشان عیالین
قسمت اولماز داخی چون وصالین
بیرده گورسونله باری جمالین
ای ایکی عالمین پادشاهی
.
.
ای بو جسمیم ایچره روانیم
بیرسنه چون قالوبدورگمانیم
گل اوتورباشیوه بیر دولانیم
ای اولان زینبین قبله گاهی
.
.
قیل توقف برادراماندور
آیریلیق دردی بالله یاماندور
خیمگاه ایچره محشر عیاندور
اهلبیتین چیخارعرشه آهی
.
.
گورسکینه نه شوریله آغلار
گور رباب آهیله سینه داغلار
قیزلاری قولقولا شمرباغلار
اود وورار یاندورار خیمگاهی
.
.
گل کیمی بیر طرف نعش اکبر
خارتیریله اوخلانموش اصغر
گورآچیلموش نه گلهای احمر
گلستان ایلیوب قتلگاهی
.
.
قالدی بیکس بو باشسیز عیالین
نیزه ده گورسم اول گل جمالین
قلبیم ایستر دیسون بو مقالین
باخ منه نیزه ده گاهگاهی
.
.
یا حسین قیل نظر بو عزایه
قسمت ایله گلاخ کربلایه
عفو قیل سن شه لافتایه
چوخدی بو «نوحه خوانین» گناهی
.
.
#وداع
#حسینیه_وداع
#ای_اولان_زینبین_دادخواهی
#خادم_عطار
#ترکی
.
✍️ #زبدةالاشعار ✍️
?: @nohe_torki
نظر دهید