زبانحال امام حسین (ع)در شهادت حضرت علی اصغر (ع)
.
#زبدةالاشعار
.
: @nohe_torki
.
#سبک_یارالی_جان_یارالی … 4 سبک
.
هادی وحیدی – زنجان
.
اصغریم اوچدی کبوتر کیمی طوبایه باجی
قوندی شوقیله بو گون دامن زهرایه باجی
.
.
نوشکفته گُلومی سالدی طراوتدن عطش
آلدی یاراسینی بو نو گل جنتدن عطش
صولدی گلبرگی ولی دوشمدی حدّتدن عطش
طعنه ووردی قوریان لبلری دریایه باجی
.
.
معنوی سیریده اصغر یتوشوب اکبرینه
ظلمیدن شِکوه ایدر داده چاتان داورینه
جبروت اهلی یانوب پارچالانان حنجرینه
دردی تاثیر ایلیوب عالم بالایه باجی
.
.
آچدی آفاقه دریچه یاریلان حنجره سی
گویلره شور سالوب حنجرینون منظره سی
عطر جنّات دوتوب کرب و بلا گستره سی
کربلا طعنه وورار جنّت ِ اعلایه باجی
.
.
اگلشوب اصغر شهزاده بو گون گاه اوسته
ظِل مَمدود خدا وار بو فلک – جاه اوسته
پرتو نوری دوشوب شعشعهٔ ماه اوسته
نور الیمدن اوجالور اوج ثریایه باجی
.
.
اوخ دگوب اصغریمه تتردی مُلک و ملکوت
درد جانسوزینه آغلاشدیلا عرش و جبروت
قانلی قنداقینی دوتدوم گویه مانند قنوت
گلدیلر فوج ملک گور نه تماشایه باجی
.
.
اصغریم ایتدی بو گون خانهٔ اسلامی رفیع
دیمه میش دردینی آگاهیدی خلّاق سمیع
هانسی مذهبده دی که اوخلانا بیر طفل رضیع
چیخدیلار صود امریملن سرِ دعوایه باجی
.
.
قویدولار دینی ایاق آتدا او شورای شریر
نه بوگون اصغریمه دگدی سقیفه گونی تیر
وای اولا امّته مسکوت قالوب اصل غدیر
باخمادی مردم بی شرم که وار آیه باجی
.
.
یوخدی بیر دادرسیم قانه باتوب عباسیم
سو کنارینده سوسوز گور نه یاتوب عباسیم
پر آچوب مثل هما عرشه چاتوب عباسیم
آز قالور منده چاتام عرش معلایه باجی
.
.
وای ربابه گوره گر یاره سینی قان آغلار
سینه سین آه جگر سوزیله آغلار، داغلار
نه آنا، بو غمه تاب ایلیه بیلمز داغلار
بنذر اول داغلی اورک لاله حمرایه باجی
.
.
#اصغریه_شهادت
#اصغریم_اوچدی_کبوتر_کیمی_طوبایه_باجی
#ترکی
.
#زبدةالاشعار
.
: @nohe_torki
نظر دهید