زبانحال حضرت ام البنین (س)
.
.
#سبک_سو_یوخومدی_قیزلاروندان … 5 سبک
پخش‌کننده صوت
.
مرحوم معزی اردبیلی
.
افتخار آل هاشم
صاحب علم بالام وای
نخل زاریده سو اوسته
قوللاری قلم بالام وای
.
.
کربلا چولینده گوردی
باشلانوب حسین قیامی
صادقانه خدمتینده
راضی ایلیوب امامی
قتلگهده جان ویرنده
گوندروب منه پیامی
گوز یاشی اولان مرکّب
کیپریگی قلم بالام وای
.
.
محبط پیامه گلدیم
گون بگون جلالیم آرتدی
زینبین عنایتیندن
رونق کمالیم آرتدی
صاحب لوا ئولندن
قلبیده ملالیم آرتدی
من عروسِ خاندانِ
ختم مرسلم بالام وای
.
.
چوخ دیدی منه خانملار
زندگیده بَختَوَرسن
فاطمه گزن اتاقدا
افتخاریلن گَزَرسَن
هیچ بیری دیمزدی بیرگون
قاره پیرهن گیَرسَن
قویمادی زمانه آخر
منده دینجلیم بالام وای
.
.
شهر یثربه پریشان
غملی کاروان قیتدی
عترت رسول خاتم
اولدی باغریقان قیتدی
ئولدی زینبین حسینی
قامتی کمان قیتدی
سسلدیم غریقِ بحرِ
محنت و اَلم بالام وای
.
.
قاره سین باشندان آچماز
قلبی داغدار اولانلار
من کیمی ئولونجه آغلار
تیره روزگار اولانلار
مجلس عزانی خوشلار
دائم اشگبار اولانلار
وار یری بیله ئولونجه
نالیه گلم بالام وای
.
.
زینبیم دیور شرارِ
ابتلاده یاندی قولسوز
روبرو عدولریلن
قارداشیم دایاندی قولسوز
سینه سینده قانلی پرچم
مقتلی دولاندی قولسوز
تپراقا نجه دوشوبدور
من معطّلم بالام وای
.
.
آخشام اولجاقین یتیمی
گوز یاشین عذاره باغلار
گون باتاندا آهی آرتار
قلب اقربانی داغلار
ویرّم هر قدر تسلّا
وایسنار اورکدن آغلار
باشلانار گئجه دوباره
سخت مرحلم بالام وای
.
.
#ورود_مدینه
#حضرت_ام_البنین
#افتخار_آل_هاشم_صاحب_علم_بالام_وای
#معزی_اردبیلی
#ترکی
.
.
#زبدةالاشعار 
: @nohe_torki . #سبک_زینبم_جان_اوستیم … 4 سبک . مرحوم صافی تبریزی . اکبرین نعشین گتوردوم گل تماشایه باجی هم اوزون گل هم خبر ویر ام لیلایه باجی گور بو گلبرگ تری پارهبیشتر
نظر دهید