زبدةالاشعار

بولمم نولوب خدایا بو گردش جهانه #ورود_محرم_راجی_تبریزی

ورود محرم
.
✍️ #زبدةالاشعار ✍️
.
🆔: @nohe_torki
.
مرحوم میرزا ابوالحسن راجی تبریزی
.
بولمم نولوب خدایا بو گردش جهانه
فصل بهاری بنزر بیر موسم خزانه
.
.
اولموش قد صنوبر بیر مدّ آه و فریاد
سرو سهی اگیلمیش مانند قدّ داماد
سنبل کیمی اولوبدور دلچاک نخل شمشاد
زلف عروسه گویا ویرموبلا طویدا شانه
.
.
فصل بهار گُللر برگ خزانه دونموش
بولمم مُحرّم اولموش یا که زمانه دونموش
صحن چمنده غنچه بو آیدا قانه دونموش
قاندان حنا یاخوبلار چون قاسم جوانه
.
.
بیر اوزگه ناله باشلوب گوش ایتسن عندلیبه
مرغان نو بهاری ایلر نوا غریبه
گویا عزا دوتوبلا بیر بینوا غریبه
هر بلبل اوز گولیله باشلوبدی بیر ترانه
.
.
گلزاری دولدوروبدی گویا فغان و شکوه
باشلوب هزار و دستان بیر داستان شکوه
صحن چمنده سوسن آچمیش زبان شکوه
چون یالواروب سکینه عجزیله کوفیانه
.
.
اولموش چمنده گویا برپا عزایه مجلس
بسکه دیوبدی کوکو قمری دوشوبدی بیحس
بو غصّه دن سارالمیش گلشنده رنگ نرگس
رنگ رخ سکینه دونموش چو زعفرانه
.
.
نسرین ویاسمنلر گویا دوتوبدولا یاس
اوضاع کربلادن مأیوس اولوب گُل یاس
چون چاک چاک اولوبدور تیغیله جسم عباس
باعث اودور که سروین قدّی دونوب کمانه
.
.
خار ایلیوبدی پامال گُل غُنچه سین چمنده
هیچ آب وتاب قالموب بو برگ نسترنده
یوخسا علیّ اصغر ایچموب سو جان ویرنده
تیریله سو ویروبلر اول طفل بی زبانه
.
.
باشلوب گل بنفشه گور نالۀ حسینی
باخ سرنگون اولوبدور هم لالۀ حسینی
جاری اولور زمینه هردم سرش عینی
قویموبلا زینب ایتسون چون گوز یاشین روانه
.
.
بیمار کربلانین رنگی اولوب چو مهتاب
باعث او دور سارالمیش گلشنده رنگ مهتاب
ریحاندا یوخدی طاقت سنبلده قالمیوب تاب
بیماره چون ویروبلا ظلمیله تازیانه
.
.
مرجان کیمی دوزولموش قان زلف اکبر اوسته
بزم عزایه چکمیش هر جانی دسته دسته
ایتمیش بو ماجرادن رعنا قدین شکسته
چون سرو قدّ اکبر باتمیش ستمله قانه
.
.
ایتدیم سئوال گلدن رنگون نیه سولوبدور
باعث ندور که گوگلون القانیله دولوبدور
گویا دیدی حسینون باغی خزان اولوبدور
باعث او دور بو حالت یتمیش بو گلستانه
.
.
محشرده چون حسینه وار خلقین احتیاجی
آغلا همیشه دردین اوندان اولور علاجی
غرق گناه اولوبسان باشدان ایاقه( راجی)
یوخ گوز یاشوندان اوزگه بو اده بیر بهانه
.
.
.
#ورود_محرم #راجی_تبریزی
#بولمم_نولوب_خدایا_بو_گردش_جهانه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قارداش نه وقته تک بس بو بینوا سکینه #راه_شام_غمناک_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی