الده بیر خامه پریشان حالیله #وداع_هوشی_تبریزی

وداع حضرت سید الشهداء
.
زبدة الاشعار

?: @nohe_torki
.
مرحوم غلامعلی باقری الهام (هوشی تبریزی)
.
الده بیر خامه پریشان حالیله
باشدا مین شوریله اشگ آلیله
.
باشلیوب بیر ماجرای غم فزا
خامه یازدوقجا چکر دلدن نوا
.
خودبخودشوره گلوب فریاد ایدر
عالم هجران الیندن داد ایدر
.
گر یازولسا بوسوزون تفسیری وار
دل یاراندور دللره تأثیری وار
.
ای خدای ذوالنعیم ای کردگار
مرگدن دشوار تر عالمده وار
.
آری آری آنلار اهل اشتیاق
الفراق و الفراق و الفراق
.
شاهدیم معصومیدندی وارخبر
آیرولوقدور مرگیدن دشوارتر
.
آه یاصاحب زمان ای شاه دین
بس نه چکدی گورگلن جدون حسین
.
بیر طرفدن آیرولوب اصحابیدن
بیر طرفدن آیرویلور احبابیدن
.
قانه باتدی اوندا که اهل یقین
قالدی یالقوز کربلاده شاه دین
.
سوز شمع عشقده پروانه وار
یارو انصاری اولوبلار جان نثار
.
اللری قوینوندا بزم غم قوروب
گلدی اول اجسادآراسیندا دوروب
.
باخدی بیر یرده یاتان اصحابینه
شوقیله قانه باتان اصحابینه
.
گوزده اشگی سینه ده مین التهاب
ایلدی اصحابینه بیله خطاب
.
ای منیم جاندان گچن یاور لریم
قاسم و عبّاس و فضل و اکبریم
.
یا حبیب و یا محّمد یا بُو ریر
یا وَهَب یا مُسلم و حُرّ و زُهیر
.
گوزآچون بیردم نه راحت یاتمو سوز
یاتموسوزدنیانی گوزدن آتمو سوز
.
سیز دگولدوز ایلدوز ایثار ثار
دین وقرآن اوسته اُلدوز جان نثار
.
دشمن ایچره ایمدی یالقوزقالموشام
دادرس قالموب اوغولسوز قالموشام
.
جسمیدن الفت لباسین سویمیون
بیکسم بوچولده یالقوز قویمیون
.
وارنه علت قطع اولوبدور الفتوز
اسگیلوبدوریوخسا مندن رأفتوز
.
سسلدی هرقدریوخ گوردی جواب
گوئیا اولشه اوزی ویردی جواب
.
یوخ آزالموب عُلقه ومهر وزمنه
اولموسوز مقهور ظلم دشمنه
.
صبروزی شوق رُخ جانان آلوب
مرگدورمندن سیزیآیری سالوب
.
گرچه قوملاراوسته بیسر قالموسوز
شاهد مقصودیدن کام آلموسوز
.
منده گللم فکریمی باشدان آتون
دینجلون آسوده و راحت یاتون
.
عالم ایلر شأنیده حسرت سیزه
خوش یاتون الله ایده رحمت سیزه
.
اوز اوزونه شه زبان حالیله
قوّت دل ویردی بو منوالیله
.
آزقالور گوردی زمان وصلته
تازه دن گلدی خیام عصمته
.
اخذ توشه وقت هجران ایلسون
آخرین دیداری اعلان ایلسون
.
سسلیوب بیر بیر بنات حیدری
خاصّه خاصّه زینب غم پروری
.
زینبیم ای غمکش دوران باجی
گل یتوبدورموسم هجران باجی
.
میهمان دعوت ایدوب جانان منی
ایستیوب قرآنه حق قربان منی
.
من گرک دین اوسته تشنه جانویرم
نخل دینه سو یرینه قان ویرم
.
عالمه حقی گرک افشا ایدم
آل سفیانی بو تون رسوا ایدم
.
ایلییم جانان یولوندا بذل جان
تا ویرم قرآنه جان جاویدان
.
عالمه نشر ایلییم حقیّتی
گوسترم آ فاقیده حُرّیتی
.
ملت گمراهی ارشاد ایلییم
دین ایوین قانیله آباد ایلییم
.
اَل ویرام بوگون بیرعالی نهضته
خلقی ترغیب ایلییم جدیّته
.
عشقیمه عالم لری حیران ایدم
خانۀ کفری یخوب ویران ایدم
.
باشلیام بوگون حسینی بیر قیام
نهضتیمدن مشق آلاهرخاٌّص وعام
.
اهل دین اوزدینینی ترک ایتمسون
تاجهان وارتحت ظلمه گیتمسون
.
اولماسون همچون یزید بی حیا
کشور اسلامیده فرمان روا
.
اهل دینین بولدورم ماهیِتین
رادمردان آنلاسون اوز قیمتین
.
ایلیم هرگه بو یولدا ابتهال
جدّیمون شرعین ایدللر پایمال
.
یالقوزام یوخدوراگرچه همدمیم
سنس امّا بیر شریک اعظمیم
.
بو قیامیمده شراکت وار سنه
ایلییم نچّه وصیّت وار سنه
.
آچما باشون گلمه داد و شیونه
درج گوزدن توکمه اشگون دامنه
.
گوزیاشون اوخشاتما چوخ ابره باجی
مایل ایله قلبیوی صبره باجی
.
ای سبب بو چشم گوهربار یمه
گیت پرستار اول باجی سجّادیمه
.
اودورالاّر خیمه گاهیم اودلانار
آتش ظلم ایچره اطفالیم یانار
.
خیمگهده نالۀ ثکلا سنون
بو رباب و غمزده لیلا سنون
.
خسته دل بیرعدۀ نالان سنون
جان بوایستکلی رقیّم جان سنون
.
جانه منت دورچوخ اولسا زحمتون
بیر دقیقه کسمه چشم رأفتون
.
شامه تک باجی سنه همراهدور
مونسی ناله انیسی آهدور
.
اولماراضی آغلاسون ایتسون نوا
سن اوزوندن ایلمه بیرآن جدا
.
آل دیزون اوسته بلالی باشینی
گوزلریندن پاک قیل گوزیاشینی
.
چون ایشدی زینب بی خانمان
بوسوزی ایتدی دُراشگین روان
.
عرض قیلدی ای منه جان عزیز
بی سبب اولموبدی باجون اشگریز
.
بیله که گتماقه واردور سرعتین
یوخ خیامه بیرده بوللم رجعتون
.
دون خیامه نالۀ جان کاهه باخ
با نوان عصمتونده آهه باخ
.
سنگی آهیم واریری آب ایلسون
گورنجه بوهجره دل تاب ایلسون
.
وارسنه بیرعرضیم ای شاه اَنام
چون وصیّت ایلیوب زهرا آنام
.
آیرولان دم چشم نازوندان اُوپم
بیرآلوب عطرون بوغازیندان اُوپم
.
ایلینده باجی قارداش گفتگو
قیزلارابوللم نه حالت ویردی رو
.
القرض شاهنشه گردون جلال
دلده مین حسرت گوزونده اشک آل
.
صبره اهلبیتینی ارشاد ایدوب
دوندی قصد خیمۀ سجاد ایدوب
.
داخل اولدی خیمۀ سجّاده شه
ظاهر اولدی اجتماع مهر و مه
.
باشی اوسته سایۀ رحمت سالوب
اگلشوب باشین دیزی اوسته آلوب
.
آخرین ساعت ایدوب درک وصال
اولدی اوّل لطفیله جویای حال
.
سویلدی ای خسته وتبداراوغول
آدی هر درده دوا بیمار اوغول
.
وقت جانبازی یتوب جانا نیله
چرخ توش ایلور غم هجرانیله
.
آخرین ساعات وصلتدی گوزآچ
مبدأء ایّام فرقت دور گوز آچ
.
ایلوب استشمام چون بوی شفا
گوز آچوب بیمار دشت کربلا
.
عرض قیلدی ای شهنشاه جهان
وی بوخسته جسمیمه روح وروان
.
خوش گلوبسن ای امید ماسوا
لطف ایدوبسن لطفوه قربان بابا
.
کشف قیل ای نطقی نطق دلنشین
بو گروهیله هارا ایتدی ایشین
.
سویلدی شاهنشه والا جناب
ایگوزوم نوری دیلیمده صبروتاب
.
اوزگه بیردُورایتدی چرخ نیلگون
بوگروهه غالب اولدی نفس دون
.
ایتمیوبدوراهل کینه عارو ننگ
اهل دینه ویردیلر اعلان جنگ
.
ظلموده طغیان ایدوب اهل نفاق
عاقبت بیر جنگ دوشدی اتفاق
.
قتل اولوب بیر عده اتباع یزید
اولدولار بیز دنده بیرعده شهید
.
عرض ایدوب ای دردیمه اصلی طبیب
بس بابا نولدی حبیب حق حبیب
.
سویلدی ای خسته وزار و علیل
قانه غلطان ایلدی قوم رذیل
.
عرض ایدوب ای خسروعرش آستان
قیل عم اوغلوم قاسمین حالین بیان
.
سویلدی اول شهریارخوشخصال
قاسیمون حالین اوغول ایتمه سوأل
.
شامیان عرشه یتوردی دادیمی
تشنه لب اُلدور دولر دامادیمی
.
عرض قیلدی ای شه فریاد رس
ایت بیان نولدی عموم عبّاس بس
.
ایتدی فرمایش امام ذوالحشم
ایتدیلر سو اوسته قولّارین قلم
.
قارداشیم عبّاسیدن چیخدی الیم
بیدقیم یاتدی اوغول سندی بلیم
.
ایلیوبدور تک به تک مدّ نظر
آلدی بیر بیر سائرانصاری خبر
.
هر برینه شهریار نُه قباب
ایلیوب بیر نحویله ردّ جواب
.
عرض قیلدی ای همایونفر بابا
بس نولوبدور قارداشیم اکبربابا
.
نه سبب واربیله یالقوزقالموسان
یوخسابوچولده اوغولسوز قالموسان
.
گوزلری بوسوزده اشگیله دولوب
ایستموب واضح دیه اکبر نولوب
.
سویلدی اول خسروگردون مدار
ای دیلیمده صبرو تاب و اختیار
.
خیمگهده قالموب ای دیدمده نور
سنله مندن غیر بیر اهل ذکور
.
آغلیوب بو حالیده چکدی فغان
ایتدی گوزدن گل یوزه اشگین روان
.
عرض قیلدی ای شه ملک حجاز
من علیلی ایله بو امره مجاز
.
تا بوگون منده آلوم شمشیر اله
یوز بو میدانه قویوم مین شوقیله
.
ناخوشام گر چه بابا یوخ قدرتیم
لیک وادار ایلور عالی همّتیم
.
سنله بوگون دینه خدمت ایلییم
نهضتونده منده شرکت ایلییم
.
گوسترم بیرضرب شصت حیدری
تا آلام بو چولده خون اکبری
.
قویمیام بو گون سنی فرد و وحید
یا اولام منده رکابوندا شهید
.
سالکان حقه من همگام اولام
کشتگان عشقله همنام اولام
.
علتین ای خسرو عرش آستان
منع جنگ ایتماقیوین ایله بیان
.
منده بیر بیله سعادت یوخ بابا
یاکه بو فیضه لیاقت یوخ بابا
.
سویلدی اول خسرو اقلیم عشق
ای اولان عشقی هامی عشاقه مشق
.
واقفم بو یولدا وار جدّیتون
بو شهادتدن ولی یوخ قسمتون
.
حُجّت حقم اگر یر یوزره من
جانشینیم سن منیم بوگونده سن
.
اهل کین بوگون منی دلدن سالار
اولماسان سن دهرحجت سیزقالار
.
حجت حق لطف یزداندورامام
عالم اولسا جسم اونا جاندور امام
.
اولماسان سن دهریده مالک رقاب
عالمی ایلر احاطه انقلاب
.
اولماسا هرگه امام ای با وفا
نظم عالم مطلقا دوتماز قرار
.
بیله ایستوب حضرت جان آفرین
اولمیا حجت سیز افلاک و زمین
.
اولماسان یراوزره حجت سن بوگون
نه اولارکون ومکان نه آی نه گون
.
سنله کام اهل دل تحصیل اولور
سنله امر کربلا تکمیل اولور
.
سنله دورعالمده بیر نیرواوغول
سنله دور هر قوت بازو اوغول
.
گرچه ناخوشسان علیل وخسته سن
اهل عشقه لیک سن سر دسته سن
.
سن امیر کاروان عشق سن
رهنمای رهروان عشق سن
.
گر چه بوگوندور شهادت نیّتون
لیک واردوراوزگه مأموریتون
.
دست گیر فرقۀ گمراه سن
شامه تک اطفالیمه همراه سن
.
کوفه ده بیر خطبه سن ایراد ایله
حق یولا ناحقلری ارشاد ایله
.
مسجد شا ما تیده گیت منبره
وُر یزیدین تاج و تختین بیریره
.
الده بیر تبلیغ دین عنوان ایله
اهل شامه حق سوزون اعلان ایله
.
ایت بیان بیر نحویله اجدادیوی
خارجی تا قویماسونلار آدیوی
.
مجلسنده ایله هنداوغلون مجاب
ایله شیر حق کیمی رَدّ ِ جواب
.
حق سوزونله حقی ویرایله نشان
اولسون آل هند رسوای جهان
.
بیربیر احکامی وصیت ایلدی
دوندی تفویض امامت ایلدی
.
آیرولوب اهل حرمدن اشگبار
ذوالجناحه اولدی القصه سوار
.
یوزدوتوب میدانه شاه غم حشم
خیمه دن دوراولدی بیرنچّه قدم
.
ناگهان گوردی حزین بیر سس گلور
اول حزین سس تیرتک قلبی دلور
.
ملتفت اولدی گوروب شاه جهان
آردیجا بیر خردا قیز ناله کنان
.
گوزیاشین رخسارینه گوزدن الور
گه یرورگاهی قاچورگه دینجلور
.
سسلنوربیرجه دایان گتمه بابا
بو غریبی بیله ترک ایتمه بابا
.
گلماقا آردونجا یوخدور قدرتیم
قویما قالسون سینه ده بو حسرتیم
.
هجریوه یوخ دور بابا منده دوزوم
بیردایان دوردلده واردوربیرسوزوم
.
باخ بوگوزده قان اولان گوزیاشیمه
لطف اوزیله بیرالون چک باشیمه
.
رأفتیله بیر قوجاقه آل بابا
بوینوما بیرده قولوی سال بابا
.
من وفارسمین باباترک ایتمرم
بیرده سنسیزخیمه گاهه گیتمرم
.
سن گلونجه اشگباراوللام بابا
بویول اوسته انتظاراوللام بابا
.
بیر #علی آدلی حسینه نوحه خوان
قمری گلزار ماتم خوش بیان
.
#هوشیا ایتدی بوشعرین خواهشین
نظم اولوندی بو کلام دلنشین
.
چوخ مطول ایتمه سنده بو سوزی
ایسته حقدن اجرلطف ایتسون اوزی
.
ای خدای گردگار ذوالنعیم
وی رحیم و قادر و حیّ قدیم
.
درگهونده گرچه عاصی بنده یوخ
زشت دوراعمالیمیزشرمنده یوخ
.
لیک وار سندن امید مغفرت
حشریده لطف ایت نوید مغفرت
.
بو جهاندا عمروز هر قدر وار
دور ایدور هر قدر دور روزگار
.
ایلمه ضیق معاشه مبتلا
بیرده لطف ایله برات کربلا
.

#وداع
#الده_بیر_خامه_پریشان_حالیله
#هوشی_تبریزی
#ترکی
.
#زبدةالاشعار

?: @nohe_torki