استمداد قمر منیر بنی هاشم علیه السلام
..
..
مرحوم حاج حیدر خسروشاهی ( حزین )
..
..
سرسپاه بی پناهم عالمون پناهی تیز گل
کوفیان یارالی قولسوز یخدی سرسپاهی تیز گل
..
كسیلوب الیم بدندن کسیله چتیندی سندن
بوایکی قولومدی قارداش عرضیمون گواهی تیزگل
..
..
بیر طرفده قالدی پرچم بیر طرفده دوشدی اللر
بیر طرفده اوخلی مشگیم بیر طرف یارالی پیکر
بیر طرفده رحمسیزلر قتلیمه چکوبله خنجر
سندن اؤزگه سرسپاهون یوخدی دادخواهی تیزگل
..
..
دوشموشم یارالی قولسوز داده گل اماندی قارداش
جان نثار کوی یاره گل بوصون نفسده چک باش
متصل توکر غمونده گوزلریم عُذاره قانیاش
قویما گویلره اوجالسون سرسپاهون آهی تیزگل
..
..
لشگر جفا سو مشكین الده ائتدیلر بهانه
سانسیز اوخلارا وجودیم اولدی ظلمله نشانه
باشیمون جراحتیندن گوز یاشیم قاریشدی قانه
گورماقا بو وضع حالی بودم و میاهی تیزگل
..
..
جسمیمه نقدری یاره ووردولار دوزوب دایاندیم
دوشدی قول دیشیمده مشگیم هی صاقا صولا دولاندیم
مشگیم اوخلاناندا اما من حیاتدن اوساندیم
لاجرم باشیمدان آتدیم فکر خیمه گاهی تیزگل
..
..
بو سو مشگیمه دگن اوخ آلدی مندن اختیاری
گئتدی سو منیم یخیلدی صبر و طاقتیم حصاری
گوز تیکوب یولا سوسوزلار چکمسون سو انتظاری
تشنه لب یخیلدی سقا ای حجاز شاهی تیزگل
..
..
قول گیدوب ره وفادن باشدا گئتسه گئچمرم من
اوخلاری شگفته گلدن پیکریمده سئچمرم من
دولدورا سوکایناتی ایچمسون سن ایچمرم من
جدّ اطهروندی قارداش عرضیمون گواهی تیزگل
..
..
بولموشم گئچر بو چولده حدّدن غم و ملالون
گئچمیشم اوزومدن اما حالیمی پوزوبدی حالون
گل گوروم بو صون نفسده بیرده سیّدی جمالون
قالماسون بو جان نثارون حسرت نگاهی تیزگل
..
..
شیر کردگار آتامدی من اوزومده گرچه شیرم
دوشموشم کمنده اما ظلم الیله دستگیرم
پنجه می کسوبله قارداش ایندی السیزم اسیرم
یوخ بیر اؤزگه دادخواهیم عالمون پناهی تیزگل
..
..
باشیم اوسته گلماقوندا وار سنه اگرچه زحمت
لیک التفات سلطان آرتیرار غلامه عزت
گل غلامون ائت سرافراز تا اولا بو جانه منت
حیرته سالا بو لطفون قوم دین تباهی تیزگل
..
..
ای مه سپهر احسان من «حزین» بینوایم
سن عطا و جود شاهی منده روسیه گدایم
واردی دیدۀ امیدیم اللرونده مبتلایم
ویرماقا نجات غمدن سن بو روسیاهی تیز گل
..
..
#عباسیه #حزین_خسروشاهی #عباسیه_شهادت #ترکی #زبدةالاشعار
نظر دهید