مناجات و عرض ادب محضر حضرت اباعبدالله الحسین (ع)
#گریز به حضرت علی اکبر (ع)
.
✍️ زبدة الاشعار ✍️
?: @nohe_torki
.
هدایتی تبریزی
.
من حسینه عاشقم نام و نشاندان گئچمشم
وار یوخومدان چکمشم ال باش و جاندان گئچمشم
.
باش و جانین بذل ایدیب ویرسین حسین دهره نجات
واقفم ایثارینه شک و گماندان گئچمشم
.
شاد شادم واریمی بذل ایلیم بو سروره
عاشقم ، عشق ایلیرم ، عشقنده ساندان گئچمشم
.
هر قدم آتدیقجا بو یولدا ئورک مسرور اولور
سدّ عقلی یخمشام مرز تواندان گئچمشم
.
ریزه خوار خوان عشقم تاج عزّت دور آقام
دردینه دل ویرمیشم حدّ اماندان گئچمشم
.
مال و جان و اهل می ویرّم فدا بو سروره
بوندان آیری بیر شئیم یوخدور اولاندان گئچمشم
.
گورموشم کی خیمه سین چکدی اودا اهل ستم
فکر ملک و مال و فکر آشیاندان گئچمشم
.
یانمشام اول حالینه تلّ اوسته سسلندی خدا
من سنین عشقنده اکبر تک جواندان گئچمشم
.
یوللورام پیغمبره بنذر بالامی مقتله
قامتی شمشاد تک سرو رواندان گئچمشم
.
عشق ایله سرمست ایدیب هئچ بیلمیرم اکبر ندور
نیلیرم آرامشی ، آرام جاندان گئچمشم
.
تیغ کین الده تکیبدور گوز یولا جلّادلر
من سنه گوز تکمشم هر امتحاندان گئچمشم
.
گوز باخیر قلبیم سویداسی گیدیر تیغ آلتنا
شیر دل دور اکبریم شیر ژیاندان گئچمشم
.
اکبرین بیر بارماقین دا ویرمرم بو عالمه
طاقت جان دور منه جان جهاندان گئچمشم
.
روحیمی تنگه سالیب بو آیرلیق هنگامه سی
ویرمیشم حقّه فدا روح رواندان گئچمشم
.
نغمه خوانم ، نغمهٔ هجران اوخور سوزان دلیم
غم نواسی دلده مرغ نغمه خواندان گئچمشم
.
اکبریم پیغمبره بنذردی خلق و خُلق ده
یومموشام گوز هستیه ، طاها بیاندان گئچمشم
.
هر قدم آتدیقجا اکبر مندن آرام آیریلیر
آرمان عشقده هر آرماندان گئچمشم
.
بار الهی صبر عطا ایله بو هجراندا منه
گوزلریم نوری گئدیر اشک رواندان گئچمشم
.
من صبورم ، صبریمی یغما ایدیر بیر آیریلق
نیلئیم اکبر کیمی درّ گراندان گئچمشم
.
خون دل دور گوزلریمدن جاری اولموش صورته
جوش ایدیر مهریم ئورکده مهرباندان گئچمشم
.
تار اولوب گوز ناگهان دنیا دولاندی باشمه
قلبی روشن ، خوش باخش ، شیرین زباندان گئچمشم
.
تنگ اولوب دنیا منه دنیانی خوار اولسون گوروم
ارمغان حق دور اکبر ارمغاندان گئچمشم
.
آسمان قان آغلاسین واردور یری احوالیمه
منظر پیغمبری یاده سالاندان گئچمشم
.
من ایاقدان دوشموشم ، قالمش نه حاله مادری
خانه ویران اولموشام من خانماندان گئچمشم
.
گل لریم پرپر اولوب صحن چمنده پخش اولوب
غنچه دن ، گل دن ، چیچک دن ، گلستاندان گئچمشم
.
قورخورام باشی آتام تک تیغیله منشقّ اولا
قدری افضل ، ماه پیکر، قدرداندان گئچمشم
.
معرفت معروفی ، سیماسی گل باغ جنان
افتخار و عزّت و اجلال و شاندان گئچمشم
.
روسیه دور یارینه دارایی سین بذل ایتمین
بازلم من ، اکبر ابرو کماندان گئچمشم
.
اکبریم گیتدی دالیجا گتسه اصغرده خوشام
قهرمان عشقم آری ، قهرماندان گئچمشم
.
دوت الیمدن یا حسین قویما «هدایت» غرق اولا
گوشهٔ چشمیله باخسان آسماندان گئچمشم
.
#حسینیه_مدح
#اکبریه_شهادت
#من_حسینه_عاشقم_نام_و_نشاندان_گئچمشم
#هدایت_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید