السلام ای حق یولوندا بذل ائدن جان السلام #قاسم_سلیمانی_محمدرضاصادقی

تقدیم به شهدای انقلاب
–
✍️ زبدة الاشعار ✍️
?: @nohe_torki
–
محمد رضا صادقی
–
السلام ای حق یولوندا بذل ائدن جان السلام
السلام ای رهروان دین و قران السلام
–

سیز سبب اولدوز که اسلام اهلی تاپدی عزتی
ملت ایرانه سیز وئردوز بو شان و شوکتی
سیز اوجاتدوز سگیز ایلده پرچم حریتی
جانیم اولسون سیز کیمی قربانه قربان السلام
–

ناخدای دین گوروب الدن گئدور احکام دین
شاه مظلومان کیمی سسلندی تا هل من معین
سیز دئدوز لبیک اوجاتدی عرشه باش دین مبین
دینه امداد ایلدوز ای جانثاران السلام
–

سیز شهیدلردن نمونه ئیدی شفیعی ، باکری
سیفی و دادی سهلان یا شهیدان ذاکری
ملت ایران گرک اولسون بو لطفون شاکری
حق ائدوب چون سیزلری دینه نگهبان السلام
–

سیز شجاعت درسینی تدریس ائدندن جبهه ده
لشکر کفّار دوشموش ذلّته هر عرصه ده
درس آلان سیزدن وئرور پس درسینی سوریه ده
یاتمیوب یاتماز هله شیران ایران السلام
–

آند اولا اللهه رهبر اذن وئرسه بیر زمان
لشکر دنیا مقابلده دورا تاپماز امان
داعش و وهابینون نسلین کسر ایرانیان
قانیلن رنگین اولار دریای عمان السلام
–

آند اولا باغ جنانین آدلانان طاووسینه
چپ باخانماز بیر نفر ایرانینین ناموسینه
کعبه دن قول باغلی والله رهبرین پابوسینه
گوندرر سلمانی ، قاسم تک دلیران السلام
–

باش و جانیله بو دیندن بیز حمایت ایلروخ
تاپشوران سیز پرچمه شوقیله خدمت ایلروخ
گوزلروخ مهدی گلینجه اسقامت ایلروخ
قویماروخ « سید علی »اولسون پریشان السلام
–

بیرده « شیدا » و بو جمعین واردی سیزدن خواهشی
لطف ائدون محو ایلیاخ سوریه دن بو داعشی
چونکه قبول ائتمروخ کفریله هرگز سازشی
ایستیون حقدن قالا بو دین و ایمان السلام
–

#سبک_زینبم_جان_اوستیم ( 4 سبک )

#شهید #وطن #حماسی #رهبر #قاسم_سلیمانی
#السلام_ای_حق_یولوندا_بذل_ائدن_جان_السلام
#محمدرضاصادقی
#ترکی
–
✍️ #زبدةالاشعار ✍️

?: @nohe_torki