زبانحال حضرت زینب سلام الله علیها
.
✍️ زبدة الاشعار ✍️
.
🆔: @nohe_torki
.
#اسماعیل_پریزاد کلوانق
.
السّلام ای سِرِّ قران معنی ام الکتاب
السلام ای ذات پاک مرجع حسن المَآب
.
السلام ای سورهٔ اسرایه تفسیردقیق
السلام ای قانی توپراقی ایدن همچون عقیق
.
فرقتونده اولموشام قارداش حسین چشم اشگبار
بیر زماندورسندن اؤتری ایلورم چوخ آه و زار
خانهٔ عدوانی الان بارش اشگیم یخار
نیلیوم درد وغمیم چوخدور اخا گل دادیمه
بیکس و بی یاریوم بیر سن دؤشوبسن یادیمه
.
دؤزدیکه کرب و بلادن شامه چوخدور فاصله
قیزلارون یادیمده وار اولدی ایاقی آبله
گلمسون لیکن باجون قلبی سینار ایلر گِله
زینبون چون شامیده دردی چوخ اعظمدور حسین
منتظردور گوزلری بو آخرین دمدور حسین
.
ایسدیرم قارداشیمه آخرده باخسون گوزلریم
غملی بیر سوزلرله بو دنیانی یاخسون گوزلریم
انتظار اولموش ز بس آز قالدی آخسون گوزلریم
گل ننم زهرایه خاطر لطف قیل قارداش منه
گوزلریم باغلا حسین ویر دست حیِّ ذوالمنه
.
لطف قیل قارداش حسین عباسَدَه سن ویرخبر
بیلسه بیکس جان ویرور زینب غمی طغیان ایدر
غیرتوندن سینهٔ صد چاکینی شان شان ایدر
قوی منیم تک مندن اؤتری قلبی چوخ چرپنماسون
دعوت اولسون قارداشیمدا قلبی مندن سینماسون
.
سنله گلسون زینب بی یاورین کفن ایلسون
شام شوم ایچره بو یورقون خواهرین دفن ایلسون
قبریم اوسته قاره توپراقی اَخی پهن ایلسون
اوستونه یازسون بودور جور و جفالر خسته سی
زین اَب زهرا قیزی بیکسلرون سردسته سی
.
روز روشن گوزلریمده چون شب دیجوریدی
چون ملبسدور بدن چوخ یاره لر مستوریدی
زینبی غمناک ایدن قلبینده بو منظوریدی
گلمسوز ماه محن سِیتَرهٔ ابره گیدر
اؤزگه چگنینده سیزین غملی باجوز قبره گیدر
.
شامیدن اصلا وفا گورموبدی آل مصطفی
یوزلرون نیلی ایدیبدور بوردا سیلیِ جفا
اهل شام وکوفه ده یاخجی بیلورسوز یوخ وفا
باغلیانلار قول قولا دشت بلاده قیزلاری
تازیانه ایلن وروردی خسته دل یالقوزلاری
.
اکبری اؤلدوردولر لیلانی ویلان ایتدیلر
قاسمی اون اوچ یاشندا قانه غلطان ایتدیلر
اوخلیوبلار شیرخواری قونداقین قان ایتدیلر
ای دریغا حلّ اولا بیرده ربابین مشگلی
اوت توکر دنیایه یکسراصغریم وای نیسگلی
.
اصغره لایلای دیین قیز شامیده اولدی قوناق
آج سوسوز ناله کنان جان ویردی گوزلردن ایراق
عمه سی زینب رقیم وای دیدی دوتدی سراق
نازدانه دختره زینب گلیب مهمان اولا
سیلی عدوانیدن نیلی یوزه قربان اولا
.
ای پریزاده یخل سنده اونون دربارینه
ویرقسم اول دختری بوعمهٔ بی یارینه
مرحمت قیلسون رقیه مجلسون حضارینه
هر غم و درد و بلادن هامیسون ایتسون رها
لطف اؤزیلن هر مریضی وار اؤزی ویرسون شفا
.
.
#زینبیه_شهادت
#السلام_ای_سر_قران_معنی_ام_الکتاب
#ترکی
.
✍️ #زبدةالاشعار ✍️
.
🆔: @nohe_torki
نظر دهید