الله جگریم یاندی اورک چکدی شراره #جوادیه_هدایت_تبریزی

در شهادت حضرت امام جواد علیه السلام
.
زبدة الاشعار
?: @nohe_torki
.
هدایتی تبریزی
.
الله جگریم یاندی اورک چکدی شراره
اکبادیمی زهرین اثری ایلدی پاره
.
بیر ظلم ایلدی محرمیم اولدی اورگیم قان
بیر درده منی سالدی کی ، یوخ دردیمه چاره
.
یوخ سو وئرنیم سوز عطشده یانورام من
گوز یاشیم آخور چشمه کیمی پهن عذاره
.
بی یار و غریبم اولورم گوشهء غمده
جان تنگه دوشوبدور نفسیم دوشدو فشاره
.
ای غملی لره غم گونو غمخوار اولان الله
دوزدوم نجه آگه سن اوزون ، رنج و فشاره
.
نئیلیم منی مسموم ایلیوب همسر غدّار
من پیچ و خمه دوشموشم ایلور او نظاره
.
زهرین شرریندن آلشیب یاندیم الهی
یاندیر منی مظلوم ایلین ظالمی ناره
.
الله منی مسموم ایلین پیس گونه قالسین
آیدین گونو دونسون نظرینده شب تاره
.
آخر نه روادور منه بو جور و خیانت
داغ چکدی یانان قلبیمه وردی منه یاره
.
حیلیله منه رازقی انگوری یئدرتدی
دوشدوم اوز ایویمده نه یامان وقته حصاره
.
نه داده گلن وار نه بولور حالیمی کیمسه
نه ال یئترن واردی من درده دچاره
.
نه وار باشم اوستونده حبیبیم نه طبیبیم
بو دردیله اولّم گئدرم غملی مزاره
.
آز عمرده چوخ محنت و غم چکدیم الهی
یوز وئردی هزاران غم و غصّه من زاره
.
اکراه له جدّیم وطنین دن آرالاندیم
چکدی وطنمدن منی جور اهلی کناره
.
صورت سولوب ، حالیم پوزولوب ، نالم اوجالمش
چوخدور محنیم هانسی سنا ایلوم اشاره
.
ناله ائدورم ال چالوری خائن عیالیم
غربت دی یئریم چاتمور الیم ایل و تباره
.
من بیر گولودوم گل کیمی عمرم ده آز اولدو
قهریله فلک توش ایلدی سینه می خاره
.
خوار اولسون اولار کی منه دالدان یارا وردو
دلدن یارالاندیم گئدیرم محضر یاره
.
سولدوردو ستم بادی خزانیم تئزه دوشدو
سولدوم تازا عمروم یئتشن وقته بهاره
.
دوغرانسام اگر یوخدو غمیم سنماز عیاریم
رنگیم سارالیب ، باتمامشام گرد و غباره
.
جان اوستیم امّا گنه یوخ یاره ورانیم
ورمور یارا اوستن یارا ظلم اهلی دوباره
.
جدّیم یارالیدی یوخودی صاف یئری تن ده
ایلوردی اورک یاره سنین قانی فواره
.
اوخ نیزه قلج یاره سی یورموشدو وجودین
جسمنده یارا سانی یئتشمشدی هزاره
.
قانیله دوتولموشدو گوزو ، یوز یارالیدی
ایلوردی اشاریله خطاب اهل نقاره
.
یاندیم عطشمدن بیر ایچیم سو وئرین ای قوم
دنیا سیزی مغرور ائلیوب حیّ کباره
.
سو وئرمه دی لر هئچ ، یارا اوستن یارا وردو
اول یاره لیه اهل پیادیله سواره
..
#جوادیه_شهادت
#الله_جگریم_یاندی_اورک_چکدی_شراره
#هدایت_تبریزی
#ترکی
.
#زبدةالاشعار
?: @nohe_torki