زبانحال حضرت امام حسن مجتبی علیه السلام
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
گل اولوب مسموم قارداشین حسن قارداش حسین
سن منه جان اوسته آغلا سنه من قارداش حسین
.
.
گل آتام اوغلی منه جام بلا ایچدیردیلر
بو فنا فی اللّهه صهبای بلا ایچدیردیلر
سو یرینه ظلمیله زهرجفا ایچدیردیلر
دوتدی سوزش زهریله بو جان و تن قارداش حسین
.
.
گل منیم اگلش کناریمده وفالی قارداشیم
بُل بلاسین باشیمین باشی بلالی قارداشیم
اوُل منیله همصدا دلدن یارالی قارداشیم
من دیوم ایوای حسین سن واحسن قارداش حسین
.
.
آخرین دیداریده گل عقد الفت باغلیاق
سن منه یان من سنه شوریله سینه داغلیاق
یوز یوزه قوی منله قارداش بیر دویونجا آغلیاق
ای یوزی مندن صورا بیر گُلمین قارداش حسین
.
.
اشکیمی ایلر حکایت گُللر اوسته ژاله لر
بو سیزیلدیمدان حکایت داغ دیده ناله لر
داغ سینمدن علامت سینه داغلی لاله لر
حسرت لعل لبیم لعل یمن قارداش حسین
.
.
دوشموشم بیر درد بی درمانه یوخدور چاره سی
حالیمی ایلر بیان بو دل دوداقیم یاره سی
زینب مظلومه سالسین باشه قارداش قاره سی
یاسه باتسون چون فسرده یاسمن قارداش حسین
.
.
بیر قرا سالسین بو گون اولسون عزالی زینبیم
اول قدر گیچمز دوشر ائلدن آرالی زینبیم
اصلی یثربلی اولار کربُبلالی زینبیم
نچه قارداشه بیچر اوردا کفن قارداش حسین
.
.
من بو گون ئولّم جفاجو اشقیا یوخلار منی
باطل ایلر حقّیمی ناحق بلر چوخلار منی
شرم سیزلر ظلمیله تابوتیده اوخلار منی
اوخلانار مسموم اولان خسته بدن قارداش حسین
.
.
قاسمین قلبی سنیقدی قویما چوخ غمگین اولا
گوگلین آل آغلار بولود تک گوزلری قویما دولا
اولما راضی یوز ویره غم نو گل یاسیم سولا
چون آتاسیزدور آتالیق ایله سن قارداش حسین
.
.
من نجه اولدوم حیاتیمده حسین زار و نزار
هکذا اولّام مماتیمده صورا پوزقون مزار
قبریمین پوزقونلوقی زوّاریمین حالین پوزار
حسرت ایلر قبریمی هربیر گورن قارداش حسین
.
.
ایله نسگلّی اولار قبریم جهانه اود سالار
سایبان اولماز مزاریم گون قباقینده قالار
یل اَسنده قبریم اوستین توز دوتار تُپراق آلار
نه اولار جاروب ائدن نه بیر سیلن قارداش حسین
.
.
قصد ایدر زوّاریم اؤپسون قبر رقّت باریمی
شوق و ذوقیله گللر چوخ اوزاق یولّاریمی
لیک قبریم استه قویمازلاریته زوّاریمی
بیر مسافتده قورالّار انجمن قارداش حسین
.
.
ایستدی بو شرحی «تائب» بیر حمید نوحه خوان
دفتر غمده یازیلدی بیله غملی داستان
حشریده مأجور اولار هم یازدیران هم سوز یازان
بیتینه بیر بیت جنّتدور ثمن قارداش حسین
.
#حسنیه_تائب_تبریزی
#حسنیه_شهادت
#گل_اولوب_مسموم_قارداشین_حسن_قارداش_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید