ترک ایدوب جهانی یاور یتیمان #حیدریه_شایان_ارومیه

شهادت حضرت علی علیه السلام
..
..
#سبک_دولدوروب_جهانی
..
..
کربلایی رحیم شایان ارومیه
..
..
ترک ائدوب جهانی، یاور یتیمان
گوزلرین یوموبدی مرتضی جهاندان
کاینات ائدور افغان
قلب زینب اولموش قان
مرتضی ویریب جان
مرتضی ویریب جان
..
..
..
امتین الیندن، اولموشیدی دلگیر
فتنه شیاطین ائتدی حضرتی پیر
اول غریب دوران جانیدن اولوب سیر
رستگار اولوبدی، فرقی یاره سلطان
لنگر زمان گیتدی
میر مومنان گیتدی
مرتضی ویریب جان
مرتضی ویریب جان
..
..
..
کشور علومین باغلانیبدی بابی
تاپشیریب ترابه، اوغلی، بو ترابی
اهل بیت حضرت آغلیور حسابی
تک به تک قلوبه دگدی تیر هجران
شاه اولیا گیتدی
قلبیده یارا گیتدی
مرتضی ویریب جان
مرتضی ویریب جان
..
..
..
کوفه ده یتیملر، اولدولار آتاسیز
بینوا فقیران قالدیلار غذاسیز
مسجدیله محراب اولدی مقتداسیز
توپراق آلتداگیتدی، آیه های قرآن
قبریده نهان گیتدی
قدریده نهان گیتدی
مرتضی ویریب جان
مرتضی ویریب جان
..
..
..
اهل بیتی گلمیش دلدن آه و وایه
تسلیت دیوللر، هامی مجتبایه
هم وفالی عباس شاه کربلایه
فاطمه اولوبدور عدنیده نواخوان
سسلنور سعید اولدی
عدلینه شهید اولدی
مرتضی ویریب جان
مرتضی ویریب جان
..
..
..
زهرلی قلیجلان، حضرت اولدی مسموم
گیتدی مخزن علم، گیتدی سر مکتوم
گیتدی مرد مغموم، ئولدی شاه مظلوم
مثلنی گورنمز، بیرده چشم کیهان
عالمه امیر ئولدی
شاه بی نظیر ئولدی
مرتضی ویریب جان
مرتضی ویریب جان
..
..
#حیدریه #شایان_ارومیه #حیدریه_شهادت #ترکی #زبدةالاشعار