زبانحال حضرت زینب (س) در کوفه
.
✍️ زبدة الاشعار ✍️
?: @nohe_torki
.
حاج مجید امینی تبریزی
.
ای آسمان عشقین رخشنده ماهی قارداش
قرآن اوخی دانیشدور بو بی پناهی قارداش
.
معلومدور که باشون گون تک چخوبدی سیره
تا گوستره اوز عشقین سیرینده یار و غیره
ارشاد ایدر بو جمعی نوک جداده دیره
تک قالموسان نه گلدی بس مسلم و بریره
باشون جدایه وردی کوفه سپاهی قارداش
.
نوک جدانی باشون تبدیل ایدوبدی طوره
انوار حیّ وحدت سنده گلوب ظهوره
موسی کیمی جهانی محو ایلیوبدی نوره
شرم ایتمیوب بو باشی خولی قویوب تنوره
گوردی سنه سزادور اول خوابگاهی قارداش
.
من اولموشام ازلدن زنجیر عشقه بسته
گلّم باشون دالینجا شاماته ناقه اوسته
بیر ذرّه اولمارام من رنجور و دلشکسته
اُلسمده اگمرم باش هرگز یزید پسته
دنیا بوله یزیدین وار اشتباهی قارداش
.
دیلّن دلون فداسی جان وار گوزل سوزونده
دنیانی جذب ایدورسن وار جاذبه یوزونده
من دستگیر عشقم آگاه سن اوزونده
یتمور الیم جدایه قالموش گوزوم گوزونده
مدهوش ایدر جهانی هر بیر نگاهی قارداش
.
ای باشی نوک نی ده ماه کمال زینب
مینلرجه وار باشوندا فکر و خیال زینب
منهوب اولوب ستمله جاه و جلال زینب
قرآن اوخی آزالسون دلدن ملال زینب
قویما چکه دمادم آه اوسته آهی قارداش
.
ممکن دگی جهاندا دین گلشنی سارالسون
سن قانوه بویاندون دین پرچمی اوجالسون
اوندان علاوه قرآن دنیاده زنده قالسون
اسلامیان گرکدور سرمشق سندن آلسون
هر مردِ راده آچدون سن شاهراهی قارداش
.
چوخ ایلدون تقلّا احیای دینه دائم
ترک ایلدون جهانی آخر نفسده صائم
بیر گون آلار بو قانی اوغلون امام قائم
ظلم و ستمدن اصلا قویماز قالا علائم
حقّون ایدر نمایان خلقه شفاهی قارداش
.
شمع وصال غمده زینب گرکدی یانسون
باشون گوروب جداده پروانه تک دولانسون
بو ازدحامی گورسون حاشا باجون دایانسون
قرآن اوخی سپاه کوفه یاتوب اویانسون
ای عالمین پناه و امّیدگاهی قارداش
.
ای منخسف جداده قانیله ماه زینب
باشون گورنده عرشه اوج ایلر آه زینب
دیندیر منی غریبم ای دادخواه زینب
من قیزلارا پناهم سنسن پناه زینب
سندن اوتور آغاردی زلف سیاهی قارداش
.
دوتدون حقیقت اوسته روز ازلده تصمیم
ویردون بلی بلایه اولدون قضایه تسلیم
بنیان دینی ایتدون اوز قانویله ترمیم
عشّاقه درس عشقی افعالون ایتدی تعلیم
لازمدور اهل کوفه گیتسون بو راهی قارداش
.
ای افتخار زینب وی قان اولان وضوسی
ای کربلاده عطشان منحور اولان گلوسی
ای محییِ حقیقت اسلامین آبروسی
نقّاشینه سجنجل نقش رخ نکوسی
ذات حقه مثل سن نور الهی قارداش
.
هر تیره شبده باشون اولموش سراج زینب
وار افتخاری سنسن باشینده تاج زینب
من بیر مریض عشقم یوخدور علاج زینب
سن تک طبیبه قارداش وار احتیاج زینب
لطف ایله زائل اولسون درد و دواهی قارداش
.
بیله خیال ایدولّر کامه چاتوبدی دشمن
ایتدوقلاری جفایه ناظردی حیّ ذوالمن
سن که جداده وارسان بو عترتوندی ایمن
بو باشلارین یانینجا عبّاسی گورمورم من
پیکان دلوب یاریدی چون سجده گاهی قارداش
.
قیزلار غریق غمدور دریای پرخطرده
بیر ساحله چکن یوخ قلبیم گلوبدی درده
اطرافیمی آلانلار دشمندی دور و برده
چکسونله فکر ایدولّر حقّ اوسته بلکه پرده
قرآنیله مجاب ایت سن گاه گاهی قارداش
.
گه ناقه اوسته، یرده گاهی پیادیم من
شهلر شهی علیدی بیر شاهزادیم من
محو ایلرم بو قومی صاحب ارادیم من
لیث قوی آتامدور بیر شیر مادیم من
نیلر نهنگه اولسا مینلرجه ماهی قارداش
.
جسمون گلنده گوردوم آماجیدی سیوفه
اولسیدی بیر ملالیم تبدیل اولوب اُلوفه
عمرون گونی دونندن قارداش سنون کسوفه
آل اللهه ایدوبدی هر ظلمی اهل کوفه
گوزلر ویرور نشانه خونین میاهی قارداش
.
هر صحبتیمده آلّام قدرت علی آدیندان
زینت تاپوب تمام خلقت علی آدیندان
من ایلینده هر آن صحبت علی آدیندان
بو اهل کوفه ایلر وحشت علی آدیندان
احساس رنگلرده قیل رنگ کاهی قارداش
.
عمر اُلدورن علینی قیلّام دوباره زنده
من قویمارام که بدعت قویسون یزید دینده
بیر سخت گوش مالی ویرّم من آل هنده
الله ذوالجلالین ماموری وار کمینده
گورمز یزید خوش گون خواهی نخواهی قارداش
.
فتوای قتلون امضا ایتدی شریح بی دین
آتدی رضای حقّی اسلامه ایتدی توهین
پیغمبر خدانی جنّتده ایتدی غمگین
الدن ویروب جنانی ایتدی جحیمی تعیین
دینون ویروبدی الدن اولدی تباهی قارداش
.
باج و خراج اُلسم اعدایه ویرمرم من
بو معجری باشیمدان یغمایه ویرمرم من
بیر تار موی باشون دنیایه ویرمرم من
بیر عشقیوی بهشت اعلایه ویرمرم من
بو عرضیمون خدادی تنها گواهی قارداش
.
وار بیر سوالیم آیا سندن بیلیدی زینب
ای کاش سن اُلونجه اوّل اُلیدی زینب
دنیاجه سن قالیدون قدرون بولیدی زینب
سن بیر باجی دییدون دلدن گولیدی زینب
نه باعث اولدی اولدون بو عشقه ساهی قارداش
.
بیر خطبه واردی فکریم تا ایلیم من ایراد
بیر صحبت ایلرم من سندن اولا گر امداد
سن حقّسن یتورّم واردور الیمده اسناد
اذهانیلرده بیرده اولسون آتام علی یاد
خلق آنلاسون حسینین یوخدور گناهی قارداش
.
اوندا بیزه گولنلر آغلار اولار پشیمان
ابن زیاده ایلر لعنت هامی فراوان
چکمز او قدر اولار بو دارالعماره ویران
قاتل لرون اولالّار بوندان صورا هراسان
ناحق اُلدوروبلر نه جرمه شاهی قارداش
.
ای کاش تیز اُلیدیم سنسیز قالینجا قارداش
دینجلمرم عدودن قانون آلینجا قارداش
تک نه باجون گلولّر قیزلار یانینجا قارداش
ال چکمرم یزیدی تختدن سالینجا قارداش
منفور ایلرم من اول روسیاهی قارداش
.
بیر اُسکُتوا دیسم من ساکت اولار جرسلر
دل صحبته گر آچسام حتماً یاتار بو سسلر
اعدا دیر علیدور تنگه دوشر نفسلر
عاجز قالار گوتورسن یردن قدم فرسلر
بنیان کوفیاندور هر دوره واهی قارداش
.
یازدی #امینی نوحه واردور اورکده دردی
ای زینبین خزانه دونموش صفالی وردی
یوخ بیر کسیم سیلیدی دلدن غبار و گردی
دیندن چخوب بو قومین کافردی فرد و فردی
من گورمورم بولاردا بیر انتباهی قارداش
.
#سبک_احوالیمیز_یاماندی ( 10 سبک )
.
#کوفه
#ای_آسمان_عشقین_رخشنده_ماهی_قارداش
#مجید_امینی
#ترکی
.
✍️ #زبدةالاشعار ✍️
?: @nohe_torki
نظر دهید