مناجات – پندیات
.
زبدة الاشعار
.
: @nohe_torki
.
احسان بدرخانی
.
الهی عفو ائله چون شکر نعمت ایلمه دیم
محرمات وحلالی رعایت ایلمه دیم
.
مناره لردن ائشیدیم بلی اذان سسینی
عبادت امرینی اما اجابت ایلمه دیم
.
فراموش ایلدیم از بس خدای لم یزلی
تعلل ایلدیم افسوس عبادت ایلمه دیم
.
زکات وخمسی یئدیم باخمادیم عقوبتنه
شریعت حکمینی داندیم اطاعت ایلمه دیم
.
آیردی دین خدادن منی بودهرفنا
اقلی نفسیمی بیر آن مذمت ایلمه دیم
.
مقدساتیمه چوخلار تعدی ایلدیلر
ولیک دین خدادن حمایت ایلمه دیم
.
همیشه شرکتیم اولدی حسین مجالسینه
خلوصیلن ولی کسب فضیلت ایلمه دیم
.
تانیا بلمدیم افسوس اولا حسین آقامی
اوشاهه عشقیلن عرض ارادت ایلمه دیم
.
آدیمی شیعه قویوب باخمادیم علی دیینه
اوشاهیدن بلی جلب رضایت ایلمه دیم
.
گئچیرتدیم عمر گرانی همیشه غفلتیلن
بیرعمر فکر عذاب قیامت ایلمه دیم
.
الهی من بیلورم کسمه سن امید الیمی
سنون کرامتوه من جسارت ایلمه دیم
.
آچیخدی توبه قاپون دائم عاصیان یوزینه
اوباب حاجته یارب اهانت ایلمه دیم
.
دوباره قلبیمه سال عشق شاه محتشمی
اگرچه شیعه لیک حقین رعایت ایلمه دیم
.
دیوم آقا گوزوم او آلتی گوشه قبرونده
قوتاردی عمروم اوقبری زیارت ایلمه دیم
.
نئدر بوشیعه لرون گر عنایت ایلمه سون
دعالرین کرمونلن اجابت ایلمه سون
.
دیوله قبرائوینون چوخ نماسی قورخورلودی
اویرده نیلیروک سن عنایت ایلمه سون
.
نکیر ومنکر ائدن وقتیده سئوال وجواب
چتین زماندی اوساعت وساطت ایلمه سون
.
بومعصیتله بیزی یاندیرار جهنم اودی
قیامتین گونی مولا شفاعت ایلمه سون
.
پل صراطی گئچنده گوزوموز آختارا جاق
اسر بدنلریمیز گر هدایت ایلمه سون
.
بهشته قویمیاجاقلار بو معصیتله بیزی
جوازی صادر ایدوب یاوساتت ایلمه سون
.
.
.
#پندیات
#مناجات
#الهی_عفو_ائله_چون_شکر_نعمت_ایلمه_دیم
#ترکی
.
#زبدةالاشعار
: @nohe_torki
نظر دهید