در شهادت حضرت امیرالمومنین علیه السلام
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
حسین شهاب پور
.
بوش قالوب سنسیز علی محراب و منبر کوفه ده
عالم معناده قان آغلور پیعمبر کوفه ده
.
.
ای کلام الله ناطق معنی ام الکتاب
ایله میشدون عالم اسلامه مولا فتح باب
اتموشیدی حضرت خاتم سنی نایب خطاب
اولمیوب اولماز سنون تک بیرده رهبر کوفه ده
.
.
فرقتون آلدی اورکلردن علیجان اختیار
عرشه دوشموش ولوله ایلور ملک لر اه و زار
واریری بو غمده مولا تیره اولسون روزگار
اغلوری شام و سحر اولاد حیدر کوفه ده
.
.
زاده ملجم علی ظلمونده طغیان ایلدی
یخدی دینون پایه سین خاکیله یکسان ایلدی
شیعه نین گوز یاشینی عالم بویی قان ایلدی
فرقتون ده یا علی باشلا ندی محشر کوفه ده
.
.
ای ولی الله اعظم معنی حبل المتین
نائب پیغمبر خاتم ولی مسلمین
ادم و نوح و خلیل اولموش علی ماتم نشین
ایتدی رحلت عاقبت ساقی کوثر کوفه ده
.
.
یا علی یاسه باتوب لاهوتیان افلاکیان
سس گلور دنیانی ترک ایتدی امیر مومنان
مریم و سارا خدیجه اولدی غمدن باغریقان
اسم اعظمدور ادین گر اولدی از بر کوفه ده
.
.
ماتمونده زینبون زار و پریشاندور علی
کیم سنون تک کوفه ده یار یتیمان دور علی
قالدی سرگردان یتیملر حال بحراندور علی
زینبون باشه سالوبدور قاره معجر کوفه ده
.
.
کاش اولیدی کوفه شهری یکسره ویران علی
اوردا اولدی اهل بیته ظلم بی پایان علی
بیر بله ظلمه نه اولدی بیلمورم عنوان علی
گلستان عصمته چون اسدی صر صر کوفه ده
.
.
گور نجه قان اغلیور مظلوم حسینیله حسن
زینب و کلثومه یارب یوز ویروب بیحد محن
باغبان اولدی صفادن دوشدی گلزار و چمن
اولدی هم بستر ترابیله او سرور کوفه ده
.
.
آغلا بو غمده شهابا توک عذاره اشک تر
تا علی ایتسون عنایت شعرون اولسون چون گهر
شور گوز یاشی ورر اخر سنه شیرین ثمر
باتدی قانه عاقبت فتاح خیبر کوفه ده
.
.
.
#حیدریه_شهادت
#بوش_قالوب_سنسیز_علی_محراب_و_منبر_کوفه_ده
#ترکی
.
✍️ #زبدةالاشعار ✍️
.
🆔:@nohe_torki
نظر دهید