میلاد باسعادت حضرت امام حسین(ع)
.
✍️ #زبدةالاشعار ✍️
.
🆔: @nohe_torki
.
مرحوم رهبری تبریزی
.
صفا ویروبدی مقدمین بوگون جهانه یاحسین
کرم ایدوبدی عالمه حق یگانه یاحسین
حبیب لم یزل حسین
آدی اوزی گوزل حسین
.
.
زمان صبح ده بو گون قدوم پاک رحمتون
ویروبدی عالمه نشان جلال و شان شوکتون
فدا اولا جلالیوه ایکی جهاندا أمتون
صفا تاپوب بو فیضدن دل زمانه یاحسین
حبیب لم یزل حسین
آدی اوزی گوزل حسین
.
.
ایشق گونه دوباره دن او وجه حق ویروب ضیا
گورن او گل جمالیوی ایدوبدی خالقه ثنا
بو دینه خلق ایدوب خدا سنی چراغ رهنما
بو دین یولوندا دوزموسن هر امتحانه یاحسین
حبیب لم یزل حسین
آدی اوزی گوزل حسین
.
.
قالوبدی گون گورن کیمی گل عارضون طلوعیدن
او نور امر حقیله تجلی ایتدی طوریدن
آلوبدی مهر و مه شفق او مه جمال رویدن
یتوبدی فیض او نوریدن نُه آسمانه یا حسین
حبیب لم یزل حسین
آدی اوزی گوزل حسین
.
.
سالوبدی یر گوی اهلینی او عز و شأن حیرته
خدا اوزی سؤوب سنی یتوردی بیله عزته
اودور ایدوب سنی شفیع جزا گونونده أمته
جزاده دادخواه سن بو شیعیانه یاحسین
حبیب لم یزل حسین
آدی اوزی گوزل حسین
.
.
لیاقتون وار اولماقا یگانه حجت خدا
یری گویی خلایقی خدا ایدوب سنه عطا
گلوبدی شانوزه سیزون کتاب حقده هل اتی
جهان همیشه فخر ایدر بو عز و شأنه یاحسین
حبیب لم یزل حسین
آدی اوزی گوزل حسین
.
.
گوزل آدون حسیندور باباندی ختم الانبیا
آتان امیرمؤمنان علی وصی مصطفا
آنان دی فاطمه ستون شفیعۀ صف جزا
مگر شمار عزتون گلر بیانه یاحسین
حبیب لم یزل حسین
آدی اوزی گوزل حسین
.
.
بهشته وار تفوّقون چون احتیاجی وار سنه
سنون کیمی گل ایستوری صفا ویره او گلشنه
او عطر گل صفا ویرر یته مشام مؤمنه
بو جمعی دعوت ایت اوزون همان جنانه یاحسین
حبیب لم یزل حسین
آدی اوزی گوزل حسین
.
.
کریم سن کرامتون محالدور اولا جدا
ایکی جهان کرامتین سنه ایدوبدی حق عطا
منه ده عیدیانه ویر دی «رهبری» بو کربلا
فراق و محنتونده دل دونوبدی قانه یاحسین
حبیب لم یزل حسین
آدی اوزی گوزل حسین
.
.
#حسینیه_رهبری_تبریزی
#حسینیه_میلادیه
#صفا_ویروبدی_مقدمین_بو_گون_جهانه_یاحسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید