دعای اختتامیه مجالس
مناجات با خدا و توسل به اهل بیت
✍️ زبدة الاشعار ✍️
?: @nohe_torki
سید فیاض عرب زاده زنجانی
الهی کرب و بلاده یاتانلار حرمتینه
حسین قانینه قانین قاتانلار حرمتینه
کنار نهریده قولسوز دوشن علمداره
مرام و مقصد حقه چاتانلار حرمتینه
وطندن آیری دوشن ایل قبیله دن آرالی
تمام اهلینی گوزدن آتانلار حرمتینه
باغشلا بیزلری آل علی محبتینه
عزیز فاطمه نین چکدیگی مصیبتینه
جگرلری توکولن طشته مجتبایه باغشلا
سوسوز باشی کسیلن شاه کربلایه باغشلا
یارالی سینه سینه خشک اولان دوداقلارینا
اوقان دولان گوزونه ذبح اولان قفا یه باغشلا
الی باشیندا گلیب قانلی مقتلی دولانان
اورگی قانه دونن بنت مرتضایه باغشلا
او خوردا نعشی قالان گونلرین قباقینده
حسن نشانه سینه ابن مجتبایه باغشلا
بوغازی تیر جفائیله اوخلانان بالایا
قماطی قانلی سوسوز خورداجا فدایه باغشلا
رضا قضایه ویریب طوسیده اولان مدفون
شهید زهر جفا حضرت رضایه باغشلا
اوزی قرادی «عرب زاده» نین خداوندا
شفیع روز جزا ختم انبیایه باغشلا
#مناجات
#دعای_اختتامیه
#فیاض_عرب_زاده_زنجانی
#الهی_کرب_و_بلاده_یاتانلار_حرمتینه
#ترکی
✍️ #زبدةالاشعار ✍️
?: @nohe_torki
نظر دهید