دعای اختتامیه مجالس
✍️ زبدة الاشعار ✍️
?: @nohe_torki
مرحوم منعم اردبیلی
الهی اوچ گجه عطشان قالانلار حرمتینه
علیِ اصغره لایلای چالانلار حرمتینه
سحر ستاره سی اوچ گون سوسوز قالان بالیا
دیل آچمیان صود امر ال ایاق چالان بالیا
او صود امر بالانون غنچه تک سولان یوزینه
بالا گئدوب آنانون منتظر قالان گوزینه
ربابیدن بالانون آیریلان زمانینه
بالا دالیجا باخوب آغلیان زمانینه
ترحّم ایله گیلن اول چتین زماندا بیزه
الهی گوز آخنوب جان گلنده سینه میزه
جسد دی آیری دوشوب تئز یتور او روحی بیزه
مسلّط ایلمه رحم ائتمین گروهی بیزه
حسینیوون داغیلان سینه سینه یا الله
سکینه نون بابا وای ناله سینه یا الله
نقدری دشمن دین وار نقدری خائن وار
حسینون حرمتینه قیلگیلان بلایه دچار
جفا اوتیلا یانان حجله گاهه یا الله
تفاقی برهم اولان پادشاهه یا الله
الهی رحمیوی بیزدن غضبله دؤندرمه
بیزی باغشلامامیش قبر ائوینه گوندرمه
او اوتلاری که گول آلتدا یاتوبدی پنهانی
اولاردان حفظ ائله ایرانیان و ایرانی
نولا دونوب باخاسان «منعمه» ئولنده حسینجان
سویوق تری اجلون آلنیما گلنده حسینجان
#مناجات
#دعای_اختتامیه
#الهی_اوچ_گجه_عطشان_قالانلار_حرمتینه
#منعم_اردبیلی
#ترکی
✍️ #زبدةالاشعار ✍️
?: @nohe_torki
نظر دهید