مناجات
گریز به قتلگاه
.
#زبدةالاشعار
.
: @nohe_torki
.
#سبک_عجب_محشر_یاراتدون
.
متقی تبریزی
.
الهی گلمیشم شرمنده درگاه عطایه
یوزوم قاره الیم بوش باخ نوالی بینوایه
.
خطا مندن الهی
عطاسندن الهی
علاجسیز دردمندم
دواسندن الهی
.
نظر قیل منه
دخیلم سنه
قسم ال عبایه
.
.
.
.
الهی دفتر اعمالیمون تعریفی یوخدی
باخا کیم دفتره سویلربونون عصیانی چوخدی
الیمده چاره یوخ نیلوم گناهیم قلبه اوخدی
بو اوخلی قلبه درمان ایتمگه گلدیم دوایه
.
خطامندن الهی …
.
.
.
.
الهی واقفم بیراهه یوللار گئتمیشم من
سراپا عمرومی کج یوللارا صرف ائیتمیشم من
الیمدن دوت الهی نفس الینده ائیتمیشم من
بو نفسین چون الیندن گلمیشم اه ونوایه
خطا مندن الهی…
.
.
.
گنهکارم اگر، ایندی پشیمانم الهی
سینیق قلبیله گلدیم چوخ پریشانم الهی
جوان عمروم گئچوب غفلتده نالانم الهی
نئدیم غفلتده عمروم گئتدی چون باد فنایه
خطا مندن الهی…
.
.
.
منی عفو ایله یارب شاه عاشورایه خاطر
چوخور یرده عزیز حضرت زهرایه خاطر
الیمدن دوت ئوزون السیز قالان اعضایه خاطر
باغیشلا بنده وی الله شهید کربلایه
خطا مندن الهی…
.
.
.
قسم ویرّم الهی یوم عاشور بلاده
حسینون قالدی قانلی نعشی میداندا اراده
قالوب اوچ گونلریله نعشی دشت کربلاده
داش التندا تاپوب زینب،چیخوب اهی سمایه
.
دیدی ایوای حسینیم
منه ویر های حسینیم
یاتوبسان یات یارالی
دیوم لای لای حسینیم
.
سوسوز قارداشیم
بلالی باشیم
یارالی جسمه قربان
.
.
.
.
سوزوم یوخ امتحان ویردون حسین چیخدون محکدن
ولی زینب ایدر شکوه ئولونجک بو فلکدن
نئجه اوخدی بو اوخ قلبه دگوب چیخموش کورکدن
قوشون گور نیلیوب دلبند پاک مصطفایه
.
یارالی جان یارالی
اولوب زینب عزالی
سنه وابسته زینب
نئجه دوشسون ارالی
.
ئورک اولدی قان
یارالی اویان
لب عطشان یابن الزهرا
.
.
.
.
الهی”#متقی”بحر گناهه غوطه وردی
الینده خیر عمل یوخ بوسببدن دربدردی
ئوزون رحم ائت سنی زهرا دعاسی بی ثمردی
جواندی دوت الیندن گر گئدوب راه خطایه
خطا مندن الهی…
.
.
.
#مناجات_متقی_تبریزی
#حسینیه_شهادت
#قتلگاه
#الهی_گلمیشم_شرمنده_درگاه_عطایه
#ترکی
.
#زبدةالاشعار
.
: @nohe_torki
نظر دهید